Andijonda O’zLiDeP quyi bo‘g‘inlaridan konferensiyalarga delegatlar saylanmoqda
16.08.2021, 17:09
Tadbirkorlar va ishbilarmonlar harakati – O’zbekiston Liberal-demokratik partiyasi Andijon viloyat Kengashi tasarrufidagi partiya tuman, shahar Kengashlaridagi boshlang‘ich partiya tashkilotlarining umumiy yig‘ilishlari o‘tkazilmoqda.
Yig‘ilishlarda O’zLiDeP boshlang‘ich tashkilotlarining 2021 yilning o‘tgan 8 oyi davomidagi faoliyatlari tahlil qilinmoqda hamda O’zLiDePning joylardagi bo‘limlarining navbatdagi Konferensiyalariga delegatlar saylanmoqda.
Xususan, partiya Andijon shahar Kengashi tomonidan 43-maktabgacha ta’lim muassasasi qoshidagi 27 nafar partiya a’zosini birlashtirgan quyi bo‘g‘inda bo‘lib o‘tgan saylovoldi jarayonlarda safdoshlarning faolligi, siyosiy bilim va ko‘nikmalarini oshirishga bag‘ishlangan umumiy yig‘ilishda Muharramoy Zuhriddinova shahar partiya tashkilotining Konferensiyasiga delegat etib saylandi.
Buloqboshi tumanidagi “Sharq yulduzi” mahalla fuqarolar yig‘ini qoshidagi 12 nafar safdoshimizni atrofiga jamlagan boshlang‘ich partiya tashkilotining umumiy yig‘ilishida partiya tuman kengashi Konferensiyasiga xalq deputatlari tuman kengashi deputati Sh.Karimov delegat etib saylandi.
Asaka tumanida joylashgan “Do‘rman” MFY qoshidagi 2012 yilda tashkil topgan 86 nafar O’zLiDeP a’zolari faoliyat yuritayotgan tayanch bo‘g‘inda o‘tkazilgan saylovoldi umumiy yig‘ilish yakunida Muhayyo Yakubova, tuman Bandlikka ko‘maklashish markazi qoshidagi 14 nafar partiyadoshni birlashtirgan BPT yig‘ilishida esa Olimjon Turg‘unovlar delegat etib saylandilar.
Bo‘stonlik safdoshlar ham quyi bo‘g‘inlardan partiya tuman Kengashi konferensiyasiga delegatlar saylashda munosib nomzodlarni ilgari surmoqdalar. Xususan, “Imkon rivoji” mas’uliyati cheklangan jamiyatidagi 2020 tashkil etilgan 48 nafar partiya a’zolarini jamlagan BPTda bo‘lib o‘tgan yig‘ilishda Gulira’no Mamasoliyeva delegat etib saylandi.
Shuhratbek TURG’UNOV,
O’zLiDeP Andijon viloyat Kengashi
BPTlar bilan ishlash guruhi rahbari
O'xshash yangiliklar
-
Ta’lim sohasi vakillari partiya targ‘ibotida faol
09.04.2024, 20:15
-
“Bunyodkor tekstilda” quyi bo‘g‘in faoliyati jonlanmoqda
08.04.2024, 17:01
-
217 nafar partiya a’zosi bo‘lgan korxonadagi quyi bo‘g‘inning faoliyatiga baho berildi
05.04.2024, 12:57
-
Viloyat hokimi o‘rinbosarining hisoboti eshitildi
04.04.2024, 11:09
-
Buxorolik maslakdoshlarimiz safi tobora kengayib bormoqda
02.04.2024, 16:56
Fikringizni qoldiring