1. Bosh sahifa
  2. O'zbekiston yangiliklari
  3. Gidroenergetika sohasidagi loyihalar ko‘rib chiqildi

Gidroenergetika sohasidagi loyihalar ko‘rib chiqildi

01.12.2021, 09:48

Gidroenergetika sohasidagi loyihalar ko‘rib chiqildi

Prezident Shavkat Mirziyoyev 30-noyabr kuni gidroenergetika sohasidagi loyihalarga oid taqdimot bilan tanishdi.

Mamlakatimizda energetika sohasi keng ko‘lamda rivojlantirilmoqda. Neft, gaz kabi uglevodorodlar bilan cheklanib qolmasdan, quyosh, shamol va suvdan elektr energiyasi olish inshootlari barpo etilmoqda. 

Xususan, 2017-yilda Prezident farmoni bilan «O‘zbekgidroenergo» aksiyadorlik jamiyati tashkil etilgan edi. O‘tgan davrda 11 ta yangi gidro elektr stansiyasi qurilib, 8 tasi modernizatsiya qilindi. Natijada 244 megavattlik qo‘shimcha quvvat yaratildi.

Lekin, yurtimizning gidroenergetika salohiyati 50 foiz ishga solingan, xolos. Shu bois jami 740 megavatt quvvatli 21 ta yirik loyiha ishlab chiqilgan. Xususan, kelgusi yilda 170 megavattli
 7 ta, 2023-2024-yillarda 150 megavattli 12 ta hamda 2025-2026-yillarda 420 megavattli 2 ta loyihani amalga oshirish rejalashtirilgan.

Taqdimotda ushbu inshootlarni sifatli qurish va barqaror ishlashini ta’minlash bo‘yicha ko‘rsatmalar berildi.

Davlatimiz rahbari to‘g‘on talab etmaydigan kichik gidrostansiyalar qurish masalasiga alohida e’tibor qaratib, bunga xususiy sektorni jalb qilish kerakligini ta’kidladi.

Bugungi kunda 22 ta shunday istiqbolli maydon ro‘yxati shakllantirilgan. Ularda quvvati 5 megavattgacha bo‘lgan mini gidro elektr stansiyalar qurish bo‘yicha tender e’lon qilinishi belgilandi.

Shuningdek, Norin, So‘x, Tanxoz, Oq buloq, Ugam kabi daryolar va kanallarda 500 kilovattgacha quvvatga ega ixcham gidrostansiyalar o‘rnatish imkoniyati bor. Tadbirda qayd etilganidek, bunday joylar ro‘yxati aholi va tadbirkorlarga e’lon qilinadi. Bunda quyosh, shamol elektr stansiyalari o‘rnatgani uchun aholi va tadbirkorlarga qanday imtiyozlar berilgan bo‘lsa, kichik gidrostansiyalar uchun ham shunday imtiyoz va subsidiyalar qo‘llanilishi belgilandi.

Gidroinshootlarni ishlatish uchun malakali mutaxassislar tayyorlash masalasiga ham to‘xtalib o‘tildi. Texnika, irrigatsiya va arxitektura yo‘nalishidagi oliy o‘quv yurtlarida bunga alohida ahamiyat qaratish, ularda qurilish hamda gidravlik laboratoriyalar tashkil etish zarurligi qayd etildi.

Teglar
Kun mavzusi Shavkat Mirziyoyev
  • Ko'rildi
    549
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Виктор Александрович2021-12-06 14:37:40

Президент Шавкат Мирзиёев 30 ноября ознакомился с презентацией проектов в гидроэнергетической сфере. Особое внимание, уделил строительству малых гидроэлектростанций, не требующих возведения плотин, подчеркнув необходимость привлечения в эту сферу частного сектора. Также указал на возможность установки компактных гидростанций мощностью до 500 киловатт для электроснабжения сел, расположенных вдоль рек и каналов, таких как Нарын, Сох, Танхоз, Акбулак, Угам. Определено, что льготы и субсидии, положенные физическим лицам и предпринимателям за установку ветряных электростанций, будут распространяться и на малые гидростанции. В связи с этим предлагаю проект гидроэлектростанции в которой отсутствуют турбины и плотины, а рабочим органом являются лопатки, расположенные поперёк реки и перемещающиеся под действием движущейся воды в канале или реки. Лопатки через трансмиссию м редуктор передают свою энергию через редуктор на электрогенератор и стабилизирующее устройство. И дальше через кабель потребителю. Могу представить проект и конструкцию электростанции мощностью 400 кW в 3D-пространстве на компьютере. Тел: 909472580

Fikringizni qoldiring

+

O'xshash yangiliklar