“Ҳар бир кун – бу имконият, ҳар бир кун – бу келажак пойдевори шиори остида “Ишбилармон аёл-2023" кўрик танловининг Пахтачи туман босқичи ташкил этилди.

Мазкур танловда 10 нафар фаол ишбилармон ва тадбиркор хотин-қиз иштирок этди.

Дастлаб, иштирокчилар томонидан ишлаб чиқарилган қишлоқ хўжалиги, озиқ-овқат, қандолат маҳсулотлари, аёллар, келинлар ва болалар либослари, зардўзлик, ҳунармандлик ва заргарлик буюмлари кўргазмаси намойиш этилди.

Ҳакамлар ҳайъати танлов иштирокчиларининг инновацион лойиҳаларни ҳаётга татбиқ этишдаги фаоллиги, замонавий ишлаб чиқаришни йўлга қўйиш орқали янги иш ўринлари яратгани, экспортбоп ёки импорт ўрнини босувчи маҳсулот ишлаб чиқараётгани каби жиҳатларга алоҳида эътибор қаратди.

Пахтачи туманидан якка тартибдаги тадбиркор Гавҳар Примованинг фаолияти эътироф этилиб, 1 ўринга лойиқ кўрилди. Дилдора Қурбанова тикувчилик соҳасини мукаммал ўрганиб 5 нафар қизни иш билан таъминлаганини инобатга олиб 2 ўринга лойиқ топилди. Ханифа Мухтарова тиббиёт ва табобат йўналишидаги ишлари учун 3 ўрин соҳиби бўлди.

Танлов ғолиблари диплом ва эсдалик совғалари билан тақдирланди.