– Бугун фермерларга кенг имкониятлар яратилган юртда яшаяпмиз. Албатта, бу имкониятлардан биз аёллар ҳам фойдаланиб, ер билан тиллашиб, элнинг дастурхонини тўлдирадиган ноз-неъматларни етиштиришга ҳаракат қиляпмиз. Шундайлардан бири менман. Бизнинг хўжалик 100 гектар майдонда асосан пахта ва ғалла етиштириш билан шуғулланади. Фақат бу билан чекланиб қолмай, қўшимча равишда бошқа тармоқларни ҳам йўлга қўйганмиз. Яна хўжалигимизда дуккакли экинлардан мош, ловия, гуруч каби маҳсулотлар, иссиқхонада сабзавотлардан помидор, бодринг, булғор қалампири ҳам етиштирилиб, ички бозорга, шунингдек, хорижга экспорт қилинмоқда. Яна маҳалладаги аёлларни иш билан таъминлаш учун тикувчилик цехини ишга туширганмиз. Ҳозирда унда 12 нафар киши меҳнат қилмоқда. Умуман олганда, фермер хўжалигимизда жами 70 дан ортиқ киши иш билан банд.

O‘zLiDePнинг “Ишбилармон аёл – 2023” кўрик-танловида иштирок этиб, ғолиблар қаторидан жой олганимдан жудаям қувондим. Мендек бир қишлоқ аёлининг меҳнатини қадрлаб, муносиб баҳо беришгани ўзгача мотивация берди. Аёл тадбиркорлар қўллаб-қувватланаётган шундай жамиятда яшаётганимдан фахрланаман.

Шоира ТИЛОВОВА,

Музработ туманидаги “Тилов ҳожи” кўп тармоқли фермер хўжалиги раиси