O‘zLiDeP Андижон вилояти Кенгаши Пахтаобод туманида “Мамлакатда ишбилармонлик муҳитини яхшилаш-иқтисодиётни ривожлантириш ва халқ фаровонлигини таъминлашнинг асосидир” мавзусида тадбиркорлар форумини ташкил этди.  

Унда Олий Мажлис Қонунчилик палатасидаги партия фракцияси аъзолари, туман ҳокимлиги, мутасадди ташкилот ва идоралар масъул ходимлари ҳамда тадбиркор ва ишбилармонлар қатнашдилар. Мутасаддилар форум давомида иштирокчиларни қийнаётган масалаларга ечим топишга ҳаракат қилиш билан бирга соҳага оид қатор таклиф ва мулоҳазалар билан ҳам танишдилар.

– Лизинг асосида қишлоқ хўжалиги техникаларини сотиб олишда айни кунгача оворагарчиликларга дуч келаётгандим, – дейди Охунбобев массивидаги “Диёр” фермер хўжалиги раҳбари Қаҳрамонжон Ҳакимов. – Бу борадаги мурожаатим эътиборсиз қолмади. Халк банки туман филиалининг кредитлаш бўлими бошлиғи томонидан тижорат кредити асосида муаммойимнинг ҳал этилишидан мамнун бўлдим.

Омонов массивида истиқомат қилувчи тадбиркор Хуршидбек Холмирзаевнинг музлатгич ташкил этиш учун давлат рўйхатидан ўтиш ва юридик шахс бўлиш учун қандай талаблар қўйилиши тўғрисидаги саволига Давлат хизматлари туман  маркази мутасаддиси батафсил жавоб берди ва бу борада амалий ёрдам беришини айтди.

Шунингдек, “Юқори” маҳалласида яшовчи якка тартибдаги тадбиркор Фотимахон Болтабоеванинг фаолиятини кенгайтириш мақсадида қўшимча ер ажратилишида кўмак беришларини сўраб қилган мурожаати туман ҳокими ўринбосари томонидан жойида ҳал этилди. Ахир қўшимча 10 та иш ўрни яратиш ташаббуси билан чиқаётган тадбиркорга қанот бўлиш керакку!

Юқоридаги каби мурожаатларга ечим топишга хизмат қилган тадбиркорлар форуми қизғин баҳс-мунозараларга бой ўтди.

 Дилшодбек АБДУЛЛАЕВ,

 O‘zLiDeP Андижон вилоят Кенгаши

бўлим  мудири

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!