25 миллион сўмгача бўлган кредитлар гаровсиз берилади (видео, фото)

13.06.2018, 18:01

25 миллион сўмгача бўлган  кредитлар гаровсиз берилади (видео, фото)

Аҳолига имтиёзли кредитлар ажратиш, касаначилик ва микрофирмаларни ташкил этиш орқали қўшимча даромад ишлаб топиш имконини яратиш, тадбиркор оилалар ишлаб чиқарган маҳсулотлари савдосини ташкил қилувчи бозор инфратузилмаси ва сервис шохобчаларини барпо этиш, рўйхатдан ўтмай ишлаётган тадбиркорлик субъектлари фаолиятини қонунийлаштириш – Президентимизнинг “Ҳар бир оила – тадбиркор” дастурини амалга ошириш тўғрисида”ги Қарори бош мақсадидир. Бу ҳақида O‘zLiDeP Сиёсий Кенгаши Ижроия қўмитаси тмонидан қарор мазмун-моҳиятини ўрганишга бағишланган очиқ мулоқотда таъкидлаб ўтилди.

Таъкидланганидек, мазкур дастур мамлакатимизнинг ҳар бир туман ва шаҳрида, энг аввало, олис ва табиий-иқлим шароити оғир ҳудудларда истиқомат қилаётган аҳолининг моддий шароитини яхшилаш, турмуш сифати ва даражасини ошириш мақсадида ишлаб чиқилган. 

Дастурда аҳолига тижорат банклари томонидан имтиёзли кредит тақдим этиш бўйича аниқ ва содда меъёрлар белгиланган. Қарорга мувофиқ, оилавий тадбиркорликни ривожлантириш мақсадида олинаётган имтиёзли кредитни расмийлаштиришда ортиқча қоғозбозлиқ ва югур-югурлар талаб этилмайди. Қарорга мувофиқ, энг кам иш ҳақининг юз эллик бараваригача миқдорда бўлган кредит маблағлари ҳудудларни ижтимоий-иқтисодий ривожлантириш бўйича секторлар раҳбарлари ва маҳалла фуқаролар йиғини тавсияномалари асосида берилиши кўзда тутилган.

Дастурда илгари тадбиркорлик ва даромад келтирадиган меҳнат фаолияти билан шуғулланмаган аҳоли қатламига тадбиркорлик кўникмаларини ўргатиш ва тегишли фаолият турини ташкил қилишга амалий ёрдам кўрсатишга ҳам алоҳида эътибор қаратилган. Ушбу ташаббус самарадорлигини таъминлаш мақсадида тажрибали тадбиркорларни эндигина бизнес билан шуғулланишни бошлаган оилаларга бириктириш – мини-кластерлар ташкил этилади. Қишлоқ ва маҳаллаларда бўш турган ер майдонларини янги ташкил этилаётган оилавий тадбиркорлик субъектларига ҳеч қандай монеликсиз берилади.

Дастурга мувофиқ, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларининг биринчи ўринбосарлари раҳбарлигида “Ҳар бир оила – тадбиркор” дастури доирасида амалга оширилаётган ишларни мувофиқлаштириш бўйича ташкилий ишчи гуруҳлар тузилди. Бундан ташқари, инвестициялар, инновациялар, хусусийлаштирилган корхоналарга кўмаклашиш, эркин иқтисодий ва кичик саноат зоналари ҳамда туризмни ривожлантириш масалаларига масъул ходимлар раҳбарлигида Аҳолига тадбиркорлик кўникмаларини ўргатиш ва тавсиялар бериш бўйича махсус ишчи гуруҳлар ҳам фаолият олиб боради. Ишчи гуруҳлар зиммасига туман ва шаҳарларда тадбиркорлик фаолиятини ривожланиши учун қўшимча чора-тадбирларни амалга ошириш, янада қулай ишбилармонлик муҳитини яратиш бўйича таклифлар ишлаб чиқиш, аҳолига ҳисоб-китоблар асосида ишлаб чиқилган турли йўналишлардаги тайёр бизнес-режаларни тақдим этиш, тадбиркорлар томонидан ишлаб чиқарилаётган маҳсулотларни сотиш орқали уларнинг фаолиятига кўмаклашиш каби вазифалар юклатилди. 

Дастурга мувофиқ тузилган – Ҳудудий ишчи гуруҳлар эса бевосита аҳоли билан ишлайдиган гуруҳдир. Ҳудудий ишчи гуруҳ ҳар бир оила ва хонадонни тадбиркорлик билан шуғулланиш салоҳияти, истак ва таклифларни синчковлик билан ўрганиш, уларнинг тадбиркорлик ғояси ва кўникмасини ривожлантириш билан шуғулланади. Бундан ташқари, тадбиркорликни йўлга қўйиш истагида бўлган шахсларга тижорат банклари томонидан кредит ажратишни ташкиллаштириш, аҳолининг шахсий томорқа ер майдонларидан самарали фойдаланиш юзасидан таклифлар бериш ва уларни амалга ошириш ҳам Ҳудудий ишчи гуруҳларнинг вазифасидир.

Очиқ мулоқотда таъкидланганидек, мазкур қарор бевосита O‘zLiDePнинг дастурий мақсад-вазифларига уйғун ва ҳамоҳанг. Шу боис қарорда белгиланган ҳар бир вазифа партиянинг барча тузилмалари зиммасига алоҳида масъулият юклайди. Хусусан, “O‘zLiDeP бошланғич ташкилотлари ўз томорқасида фаолият бошлаганларга кўмакдош” лойиҳасини янада такомиллаштириш, лойиҳа доирасида тадбиркор оилалар сафини кенгайтириш бўйича аниқ таклиф-тавсиялар муҳокама қилинди.

Йиғилиш сўнггида юртбошимизнинг мазкур қароридан келиб чиқиб, партиявий лойиҳаларни ташкилий-ҳуқуқий жиҳатдан янада бойитишга келишиб олинди.

O‘zLiDeP матбуот хизмати

O‘zLiDePнинг Facebook ва Instagramдаги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!

  • Кўрилди
    7484
  • Чоп этиш
  • Дўстлар билан улашиш
← Орқага қайтиш

Билдирилган фикрлар

Гуломов Машхурбек 2018-08-17 14:54:47

Ассалому алайкум мен хунармандчилик билан шугулланиш учун имтиёзли кредит олиш учун хужжатларни халк банкига такдим этгандим афсус халигача ололмаяпман шу масалада менга ёрдам беришингизни сўрайман


Diyora2018-08-15 11:21:46

Man Toshkenda vaqtinchalik prapiska bn yawab kelmoqdaman. Man xich qayerda iwlamiman. Turmuw ortoğim xarbiy. Man towkentdan kredit ololaman? Naqd pul beriladimi? Qandey dakumentlar kerak boladi? Wular xaqida ma'lumot bersangizlar


Muxtor2018-08-14 18:21:55

Mikrokreditbankka 4 oy bòldi xujjat topshirganim 10 kundan keyin ke 20 kundan keyin kel deb aldab kelishdi edi xalq bankidan kiridit ollasan biza bermaymiz sanga kiridit deb qaytarobti xujjatimni qaytariyla desam kiriditga extiyojim yòq sababli xujjatimni qaytarib oldim degan Ariza yozasan deyishopti mani kiriditga extiyojim borku qanaqasiga mumday bòlishi mumkin shu savolimga xch kim javob bermayopti manashunaqa Xurmatli prezidenttimiz aytganlariday Manashunaqa loqayt insonla tufayli Kòp fuqarolarimiz chet elga ishlashga ketishopti shu masalaga yordam berishlaringni sòreyman


Muhammadali2018-08-13 22:47:53

Men halq bankidan 3777 qaror bòyicha kiridit olmoqchidim 2oydan beri chòzib yuribdi hujjatlarni hammasini tòliq qildim yordam kòrsating


Абдукарим2018-08-12 22:52:48

Мен паррандачиликка 7% кредит олиш учун халк банкига 1 ой югуриб хужжатларимни зурга 2018 йилнинг 18 май кунида топширган эдим халигача коедитдан дарак йук халк банкини ёпиб юборса хам булади ёки унда ишлаётган ходимларни хаммасини алмаштириш керак


Tohir2018-08-08 11:31:07

Davlatimiz tomonidan ko'pgina turdagi kreditlar berish yo'lga qo'yilyapti bu yaxshi albatta. Lekin kredit olaman degan gap bilan kredit oldim degungacha bo'lgan jarayonda ko'p hujjatbozliklardan kelib chiqadigan muammolar sabab kredit olmoqchi bo'lgan shaxs ko'p vaqti va mablag'ini ham yo'qotib qo'ymoqda. Kredit olishdagi talab qilinadigan hujjatlarni soddaroq qilish yoki shu hujjatlarni k.kli tashkilotlar tomonidan banklarning so'rovi asosida onlayn taqdim qilinishini yo'lga qo'yilsa balki kredit olmoqchi bo'lgan shaxslarga ancha qulay va tejamliroq bo'larmidi?


Abdug'ofur2018-08-07 17:33:57

Men Milliy bankdan 4 foizli kreditni may oyidan beri ololmayapman.Shu masalada menga yordam berishingizni sorayman.


Ильхом2018-08-07 11:29:32

Кредит олиш муамо: давлат одамлари банк ходимлари кандай хужжат деса обкелдим. Прокурор сектиридасан бориб прокурорга кул куйдиришни айтишди куйдирдим. Кредит чикмади хабар олсам сиз олмокчи болган банк хокимни сектори экан хужатларни янгилашиз керак дейишди. Шуни айтишмидими бошида хокимга кул куйдиришни. Кунгил совуди . Айтмокчи болганим тартибни хар бир банк ходимларига ургатиш уларга халкга тез ва ишончли хизмат килишни ургатиш керак.


Abdug'ofur2018-08-06 16:31:34

Men milliy bankdan kiridit olmoqchidim 4 oydan beri ololmayapman kafilni ish joyidan shartnoma sorayapti n ima qilish kerak


дилором2018-08-04 15:01:17

пойтахтга хам бериладими имтиёзли кредит, качон берилади


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+