O‘zLiDeP Сиёсий Кенгаши Ижроия қўмитаси раиси, Ўзбекистон фермер, деҳқон хўжаликлари ва томорқа ер эгалари кенгаши раиси вазифасини бажарувчи Актам Хаитов  Дўстлик туманидаги “Агро ёшлар” фермер хўжалигига ташриф буюрди.  

Ташриф давомида O‘zLiDeP раҳбари тумандаги фермерлар, пахта йиғим теримида қатнашаётган теримчилар билан мулоқот қилиб, уларнинг меҳнат шароитлари билан танишди.

Мулоқотлар давомида пахта йиғим-терим мавсумида аҳолининг мажбурий теримга жалб қилинишини олдини олиш, теримчиларни соғ-саломат бориб келишлари, уларнинг овқатланишларини таъминлаш ҳамда теримчиларнинг иш ҳақини ўз вақтида бериш кераклигини таъкидлади.

Шундан сўнг, қўлига этак олиб, барча маслакдошларимизни пахта йиғим-теримига фаол иштирок этишга чақирди.

–Деҳқонларимизнинг пешона тери, қалб қўри эвазига етиштирилган ҳосилни йиғиб-териб олишда ҳисса қўшаётганимиздан хурсандмиз, – дейди O‘zLiDeP “Ёшлар қаноти” фаоли Бону Ҳамрақулова. – Чунки электоратимиз вакиллари бўлган фермерларни  ҳар томонлама қўллаб-қувватлаш, уларни муносиб рағбатлантириш партиямиз олдидаги муҳим вазифалардан саналади. Шу боис, бугун барча маслакдошларимиз қатори биз ҳам пахта йиғим-теримига кўмаклашгани келдик.

Ташриф якунида O‘zLiDeP раҳбари А.Хаитов бир гуруҳ энг яхши теримчиларга партиянинг эсдалик ва қимматбаҳо совғаларини топширди.

Саида УМАРАЛИЕВА,

O‘zLiDeP Жиззах вилоят Кенгаши

матбуот хизмати котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!