Айни кунларда "Ўзбекистон Республикаси Конституциясига ўзгартиш ва қўшимчалар киритиш тўғрисида"ги Ўзбекистон Республикаси Конституциявий қонун лойиҳасининг тарғибот тадбирлари ўтказилмоқда.

Андижон тумани "Роввот" МФЙда жойлашган оилавий шифокорлик пунктида ташкил қилинган мулоқотда O‘zLiDeP Андижон туман Кенгаши қошидаги фахрийлар кенгаши аъзолари, партия фаоллари, тиббиёт ходимлари ва депутатлар иштирок этди. Тадбир иштирокчиларига Конституциявий қонуннинг ишлаб чиқиш жараёнлари, унинг мазмун-моҳияти хусусида атрофлича маълумот берилди.

Учрашув давомида тиббиёт ходимлари Конституциявий қонун лойиҳаси юзасидан ўз таклифларини ҳам билдириб ўтдилар.

Шунингдек, Андижон тумани “Роввот” маҳалласи аҳоли вакиллари иштирокида ҳам Конституцияга киритилаётган ўзгартиришлар бўйича халқ фикрини билиш, киритилаётган ўзгартириш ва қўшимчаларни кенг аҳолига етказиш мақсадида очиқ мулоқот ўтказилди.

Бош қомусимизга киритилаётган ўзгаришларга аҳоли вакиллари ўз таклифларини билдирди.