O’zLiDeP Андижон туман Кенгаши “Аёллар қаноти” гуруҳи ва ҳамкор ташкилотлар билан “Соғлом оила мустаҳкам оила” лойиҳаси доирасида тумандаги кўп тармоқли марказий поликлиникасида тиббий- кўрик ташкил этилди.

Тиббий-кўрик давомида "Ойжамол", "Саноат" ва "Бахт" маҳаллаларидаги “Темир”ва “Аёллар” дафтари руйхатида турувчи 60 нафарга яқин хотин-қизлар, болажонлар терапевт, лор, окулист бошқа хасталикларни даволовчи малакали шифокорлар қабулида бўлиб, УЗИ аппаратидан ўтказилдилар ҳамда мутахассисларнинг тегишли маслаҳат ҳамда тавсияларни, тиббий муолажаларни олдилар.

O’zLiDeP “Аёллар қаноти”нинг “Соғлом оила – мустаҳкам оила” лойиҳаси доирасидаги истиқболли тадбирларнинг амалий самараси  натижасида шу куни иштирокчилар партиянинг дастурий мақсад ва режалари, айниқса ушбу сиёсий тузилманинг аҳоли соғлиғини муҳофаза қилиш билан боғлиқ устувор мақсадлари ва  вазифалари билан яқиндан танишдилар.