O’zLiDeP Қашқадарё вилоят кенгаши “Аёллар қаноти” томонидан “Бунёдкор оила” лойиҳаси доирасида “Ободон” МФЙда ўз фаолиятини бошлаган тадбиркор аёл Сабо Шоқулованинг тикувчилик цехида маҳаллада истиқомат қилаётган ишсиз хотин-қизлар учун амалиёт сабоқлари ташкил этилди. Тадбир иштирокчилари ишбилармон аёлнинг фаолияти билан яқиндан танишдилар.

Жорий йилнинг июль ойида иш бошлаган Сабо Шоқулова ҳозирга қадар 10 нафар хотин - қизларни иш билан таъминлаган. Тикувчилик цехида ўттизга яқин маҳсулотлар тайёрланади. Айни пайтда 15 нафар ёш қизларга тикувчилик, зардўзлик, каштачилик сирлари ўргатилмоқда.

Қизиқарли мусоҳаба тарзида ўтган анжуман сўнгида иштирокчиларга Президентимизнинг “2022-2026 йилларга мўлжалланган янги Ўзбекистоннинг Тараққиёт стратегияси тўғрисида”ги Фармони ҳамда “Инсон қадрини улуғлаш ва фаол маҳалла йили” Давлат дастури, партия дастури ва Сайловолди платформасида белгиланган хотин-қизларнинг ижтимоий-сиёсий фаоллигини ошириш, тадбиркорликка йўналтириш орқали бандлигини таъминлаш, уларга кўрсатиладиган тиббий-ижтимоий хизматлар сифатини яхшилаш, соғлом турмуш тарзини шакллантириш, оила институтини мустаҳкамлаш борасида амалга оширилаётган кенг кўламли ишлар ҳақида батафсил маълумот берилди.

 O’zLiDeP Қашқадарё вилоят кенгаши

матбуот хизмати.