Хабарингиз бор,    Alibazar.uz, Europool.uz сайтлари ва АҚШдаги бир неча бизнес-компания асосчиси, бизнес-тренер Алишер Авазов  республикамиз вилоятларида тадбиркорлар учун  “Бизнесда бошқарув психологияси” мавзусида “Маҳорат дарслари” ўтказмоқда.

O`zLiDeP  Жиззах вилоят Кенгаши билан ҳамкорликда ташкил этилган ана шундай “Маҳорат дарслари” Жиззах шаҳрида ҳам  бўлиб ўтди.

Икки юздан ортиқ тадбиркорлар, ўз бизнесини йўлга қўйиш иштиёқида бўлган йигит-қизлар иштирок этган тадбирда таниқли тадбиркор  тажрибасидан келиб чиққан ҳолда йиғилганларга ўзининг қимматли маслаҳат ва йўл-йўриқларини бериб ўтди.

Айниқса, маблағдан унумли фойдаланиш, инвестициялар жалб қилиш, хорижий ишгбилармонлар билан ҳамкорликни йўлга қўйиш ва шу каби бошқа  йўналишларда  берилган йўл-йўриқлар тингловчиларда катта таассурот қолдирди.

Жонли мулоқот тарзида ўтган тадбир давомида иштирокочилар бизнес-тренердан тадбиркорликни йўлга қўйиш,  ривожлантириш борасида ўзларини қизиқтирган  кўплаб саволларига батафсил жавоб олиш имконига эга бўлдилар.

O`zLiDeP  Жиззах вилоят Кенгаши

Матбуот хизмати