"Ишбилармон аёл-2023" кўрик-танловининг Гулистон шаҳар босқичи бўлиб ўтди
09.08.2023, 09:43
Танловда иштирокчилар томонидан ишлаб чиқарилган озиқ-овқат, қандолат маҳсулотлари, аёллар, келинлар ва болалар либослари, зардўзлик, ҳунармандлик ва заргарлик буюмлари кўргазмаси намойиш этилди.
Ҳакамлар ҳайъати аъзолари танлов доирасида 20 га яқин тадбиркор ва ҳунарманд хотин-қизлар фаолияти билан яқиндан танишиб, уларнинг шу даврга қадар эришган ютуқлари, имкониятлари ва келгуси режалари билан ўртоқлашди.
– Иш бошлаганимизга ҳали кўп вақт бўлгани йўқ, – дейди “SALAD s” МЧЖ раҳбари Ойдин Шаимқулова. – Асосан ҳар-хил турдаги ширинликлар ва салатлар буюртма асосида тайёрланади. Маҳсулотларимиз бозорларда ўз харидорига эга. Келгусида фаолиятимизни янада кенгайтириб, янги иш ўринлари яратиш ниятидамиз.
Кўрик-танловда хар тарафлама кучли тадбиркор хотин қизлар саралаб олинди. Ҳакамлар ҳайъати аъзолари томонидан 3-ўринга – якка тартибдаги тадбиркор Раъно Эшембетовага, 2-ўринга – “Ҳ. Эгамбердиева каштачилиги” МЧЖ раҳбари Ҳилола Эгамбердиевга, фахрли 1-ўринга – “SALAD s” МЧЖ раҳбари Ойдин Шаимқуловалар муносиб деб топилди.
Ғолиб бўлган иштирокчилар танловнинг Сирдарё вилоят босқичига қатнашиш ҳуқуқига эга бўлди. Бундан ташқари олтита номинация бўйича ҳам хотин-қизлар қимматбаҳо ва эсдалик совғалари билан тақдирланди.
O‘zLiDeP Сирдарё вилоят Кенгаши
Матбуот хизмати
Ўхшаш янгиликлар
-
Чилонзор туманидаги маҳаллалардан ишбилармон хотин-қизлар сараланди
01.05.2024, 15:04
-
Ишбилармон хотин-қизлар маҳаллалар кесимида сараланяпти
01.05.2024, 14:42
-
Пойтахтлик ишбилармон хотин-қизлар маҳаллалар кесимида сараланяпти
25.04.2024, 12:00
-
Ишбилармон аёллар сараланмоқда
21.04.2024, 13:38
-
O‘zLiDeP “Аёллар қаноти” лойиҳалари орқали ишсиз хотин-қизлар тадбиркор бўляпти
09.04.2024, 19:51
Фикрингизни қолдиринг