“Милано Текстиль” масъулияти чекланган жамияти давлатимиз раҳбарининг Андижон вилоятига ташрифи чоғида ишга туширилган эди. O‘zLiDeP Андижон туман Кенгаши ташаббуси билан ўша вақтдаёқ, корхона ҳузурида партия қуйи бўғини ҳам тузилган эди. Айни кунда бу ердаги сафдошларимиз сони 102 нафарни ташкил этади.

Мазкур корхонада O‘zLiDeP ташкил топганининг 15 йиллиги муносабати билан байрам тадбири бўлиб ўтди. 

– “Барча қарор ва фармонлар халқимиз манфаатларига хизмат қилади” шиори остида бўлиб ўтган бугунги тадбирда янги қабул қилинаётган меъёрий ҳужжатларга батафсил тўхталишга ҳаракат қилдик, – дейди O‘zLiDeP Андижон туман Кенгаши аппарат раҳбари Дилшодбек Абдуллаев. – Шунингдек, қуйи бўғин ҳамкорлигида олиб бориладиган ишларда аниқ  натижаларга эришиш, партия аъзолари сафини кенгайтириш, БПТ аъзолари орасидан партия кадрлар захирасини шакллантириш каби масалалар ҳам муҳокама қилинди.

Тадбир давомида партиянинг фахрий аъзолари эсдалик совғалар билан тақдирландилар.

                                                                   Назирахон Толипова,

O`zLiDeP Андижон туман

Кенгаши ижрочи котиби

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!