O‘zLiDeP Иштихон туман Кенгаши “Ёшлар қаноти” гуруҳи томонидан  Ўзбекистон Республикаси мустақиллигининг 28 йиллиги муносабати билан “Жонажон Ўзбекистоним, мангу бўл омон” шиори остида ёшлар ўртасида туркум тадбирлар ташкил этилди.

Иштихонлик 200 нафар ёшлар 5 та ташаббус доирасида синхрон сузиш, қўл тўпи бўйича спорт мусобақаларида ўзаро беллашдилар.

“Мамлакатимиз аҳолисининг 30 фоизи 14 дан 30 ёшгача бўлган ёшлардир. Уларнинг таълим олиши, касб-ҳунар эгаллаши учун замонавий шароит ва имкониятлар яратилган. Шу билан бирга, ёшларнинг бўш вақтини мазмунли ўтказишни ташкил этиш долзарб масала ҳисобланади. Ёшлар қанчалик маънавий баркамол бўлса, турли ёт иллатларга қарши иммунитети ҳам шунча кучли бўлади. Шу нуқтаи назардан партиянинг Самарқанд вилоят Кенгаши “Ёшлар қаноти” барча эътиборни мазкур йўналишга қаратган”,- дейди O‘zLiDeP Самарқанд вилоят Кенгаши ёшлар билан ишлаш бўлими мудири Фарид Ҳасанов.

Спорт мусобақаларида ғолибликни қўлга киритган ёшларга ташкилотчилар томонидан фахрий ёрлиқлар ва қимматбаҳо совғалар топширилди.

Тадбир доирасида туманда яқиндагина иш бошлаган “Зарафшон текстил” корхонасига экскурсия уюштирилди.

Бахтигул Қаршиева

O‘zLiDeP Самарқанд

вилоят Кенгаши

матбуот котиби