Saylovoldi targ‘ibot tadbirlari eng chekka hududlargacha o‘tkazilyapti
02.10.2021, 13:41
«Inson qadri uchun» shiori ostida aholi o‘rtasida O’zbekiston Respuboikasi Prezidentligiga O’zLiDePdan ko‘rsatilgan nomzod Shavkat Mirziyoyevning saylovoldi dasturi targ‘iboti Farg‘ona viloyati bo‘ylab davom etmoqda.
Ana shunday uchrashuvlardan biri Farg‘ona shahridagi Shodiyona mahalla fuqarolar yig‘inida bo‘lib o‘tdi.
Uchrashuvda Oliy Majlis Qonunchilik palatasi deputati Mavluda Xodjayeva ishtirok etib, Shavkat Mirziyoyevning avvalgi va hozirgi faoliyatining asosiy jihatlarini tahlil qildi, nomzodning saylovoldi dasturidagi asosiy mazmun-mohiyati xususida so‘z yuritdi. Shuningdek, nomzodning «Yangi O’zbekiston Strategiyasi» asarini ham qisqacha sharhlab berdi.
Uchrashuv davomida mahalla faollari so‘z olib amalga oshirilayotgan islohotlarning barchasi chinakamiga inson qadr-qimmati, mamlakat rivoji va ertangi kelajagi uchun xizmat qilayotganligini ta’kidladilar.
Mahalla faxriysi Djura Xadjaqulov so‘zga chiqib kechagi va bugungi O’zbekistonda o‘zi ko‘rgan kechirgan yillari timsolida so‘zlab berarkan, bugungi O’zbekiston uchun nomozdning islohotlari qanchalar muhimligini e’tirof etdi. Saylovoldi dasturidagi har yo‘nalishda oldindagi qudratli mamlakatni tasavvur eta olganini ta’kidladi.
Ko‘tarinki va chinakam vatanparvarlik ruhida o‘tgan uchrashuv so‘nggida saylovchilar o‘zlari tanlagan va Vatan taqdiri uchun munosib nomzodga ovoz berishlarini bildirdilar.
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring