Amudaryodagi tomorqa xizmatlari faoliyati o‘rganildi
21.01.2022, 16:00
Oliy Majlis Qonunchilik palatasi Spikeri o‘rinbosari, O’zbekiston Fermer, dehqon xo‘jaliklari va tomorqa yer egalari kengashi raisi Aktam Xaitov tomorqa yer egalarining faoliyati bilan yaqindan tanishish va ularni qiynayotgan muammolarni o‘rganish, hal qilishda amaliy yordam berish maqsadida Amudaryo tumanida bo‘ldi.
Dastlab Spiker o‘rinbosari ishtirokida «Amudaryo tomorqa xizmati» MChJ da seminar tashkil etildi.
Seminarda A.Xaitov tomorqa xizmati faoliyati va yaratilgan ish o‘rinlari bilan yaqindan tanishdi. Issiqxonalar, oziq-ovqat saqlash omborxonalari faoliyati, parranda, qo‘y, echki va mol chorvachiliklari va ularning bosh sonini ko‘paytirish va aholiga imtiyozli ravishda tarqatish bo‘yicha muhokamalar qilindi.
Mazkur “Amudaryo tomorqa xizmati” MChJ faoliyati O’zbekiston Respublikasi Prezidentining 2020 yil 30 iyundagi qaroriga muvofiq klaster usulida tashkil etilgan. Loyiha qiymati 6,5 mlrd so‘m, shundan Kengash huzuridagi jamg‘armadan 5 mlrd so‘m kredit ajratilgan. Tomorqachilarga 12 turdagi xizmat ko‘rsatishi belgilangan klasterda 350 ta doimiy va mavsumiy ish o‘rni yaratilgan.
Ta’kidlash kerakki, yerdan unumli va oqilona foydalanish dehqonchilikda muhim ahamiyat kasb etadi. O’z ishining ta’limini olgan dehqon borki, albatta, bu jihatning samarasini yaxshi biladi. Yerni bo‘sh qoldirmaslik, mavsumiy, iqlim sharoitiga mos ekinlarni ekib, takroriy hosil olish harakatida bo‘ladi.
Partiya yetakchisi tomorqa yerlardan unumli foydalanish, tomorqani haqiqiy daromad manbaiga aylantirishga katta hissa qo‘shayotgan mazkur klasterning bugungi kunda samarali faoliyat olib borayotganini ta’kidlab o‘tib, tomorqachilikni yanada rivojlantirish bo‘yicha o‘zining bir qator taklif va tavsiyalarini berib o‘tdi.
Spiker o‘rinbosari Aktam Xaitov tumanga safari davomida namunali mahalla “Gulzor” MFY da ham bo‘lib, aholi tomorqalardan samarali foydalanish holatlarini ko‘zdan kechirdi.
Tomorqalarda tashkil etilgan issiqxonalarda ekilgan ekinlarning parvarishi bo‘yicha takliflar berildi. Seminar davomida aholini band qilishda rejalashtirilayotgan parranda boqish, naslli qo‘y-echki boqish, ixcham issiqxonalar qurish va asalarichilik bilan shug‘illanish singari masalalar muhokama qilindi.
O’zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring