To‘rtko‘llik saylovchilarga Konstitutsiyaviy qonun loyihasining mazmun-mohiyati tushuntirildi

28.06.2022, 14:45

To‘rtko‘llik saylovchilarga Konstitutsiyaviy qonun loyihasining mazmun-mohiyati tushuntirildi

 Ayni kunlarda Oliy Majlis Qonunichlik palatasi deputatlari o‘zi saylangan okruglarda bo‘lib, aholi bilan muloqotlar qilib, hududlarda o‘rganish ishlarini olib bormoqda.

Xususan, Oliy Majlis Qonunchilik palatasi deputati Ravshan Mamutov ham  To‘rtko‘l tumanida o‘z saylovchilari bilan uchrashdi.

To‘rtko‘l  tuman  hokimiyati  majlislar zalida  bo‘lib o‘tgan uchrashuvda  “O’zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida”gi O’zbekiston Respublikasi Konstitutsiyaviy qonuni loyihasining  mazmun-mohiyati keng jamoatchilikka tushuntirildi.

Unda tumandagi 4 ta sektor rahbarlari, hokim o‘rinbosarlari, Qoraqalpog‘iston Respublikasi Jo‘qorg‘i Kengesi hamda tuman Kengashi deputatlari, OFY  va MFY raislari, hokim yordamchilari, yoshlar yetakchilari va xoti- qizlar faollari ishtirok etdi.    

Qonunchilik, jamiyatdagi o‘zgarishlar  bilan bog‘liq jarayonlarda keng jamoatchilikning ishtiroki muhim mezonlaridan biri hisoblanadi, – deydi Oliy Majlis Qonunchilik  palatasi deputati  R.Mamutov.

Shu ma’noda targ‘ibot tadbirlari, davra suhbatlari o‘tkazishdan ko‘zlangan asosiy maqsad, O’zbekiston Respublikasi Konstitutsiyasiga qo‘shimcha va o‘zgartirish kiritish yuzasidan bildirilayotgan takliflarni muhokama qilish, aholi vakillarining referendumda faol ishtirok etishi va keng jamoatchilikning fikrini o‘rganishdan iborat.

Uchrashuvda xalq vakili bo‘layotgan siyosiy jarayon  haqida tushunchalar  berib, bir qancha moddalar to‘ldirilayotganligi va boshqa moddalarning boshqa so‘z bilan almashtirilayotganligi to‘g‘risida ma’lumotlar berib o‘tdi va shu bilan birgalikda konstitutsiyaga o‘zgartirish kiritish bo‘yicha bir qancha takliflar olindi.  

Tadbir davomida bosh qomusimizga kiritilayotgan o‘zgartirish va qo‘shimchalarga alohida to‘xtalib  o‘tdi.

O’zLiDeP Qoraqalpog‘iston Respublikasi

Kengashi matbuot xizmati

  • Ko'rildi
    54
  • Chop etish
  • Do'stlar bilan ulashish
← Orqaga qaytish

Fikringizni qoldiring

+