Oliy Majlis Qonunchilik palatasi deputati Faxriddin Samatovning Jarqo‘rg‘on tumanidagi «Maslahattepa» mahallasida aholi bilan o‘tkazgan uchrashuvida shu mahallada yashovchi I guruh nogironi B.Fozilov murojaat qilgandi. Unda B.Fozilov foydalanish uchun qulay bo‘lgan pultli nogironlik aravachasi olishda amaliy yordam so‘ragandi. Deputat ushbu murojaatni e’tiborsiz qoldirmadi. B.Fozilovning murojaati bo‘yicha tuman Tibbiy-ijtimoiy xizmatlarni rivojlatirish markazi bilan birga shug‘ullanib, viloyat hokimligi homiyligi asosida B.Fozilovga Xitoy davlatida ishlab chiqarilgan, nogironlik aravachasi olib keltirildi.

O`zLiDeP Jarqo‘rg‘on tumani Kengashi raisi, Qonunchilik palatasi deputati yordamchisi Sh.Ahmedovlar B.Fozilovning xonadoniga borib, ushbu nogironlik aravachasini topshirishdi. Bundan murojaatchining ota-onasi ham mamnun bo‘lib, o‘z minnatdorchiligini bildirishdi.

Zero, viloyat hokimi va mutasaddilarning sa’y-harakati tufayli yana bir ko‘ngil uyiga umid chirog‘i yondi.

O’zLiDeP Surxondaryo viloyati Kengashi

matbuot xizmati