Termizlik tomorqachi issiqxonadan qanday daromad topishni yaxshi biladi

28.02.2023, 18:53

Termizlik tomorqachi issiqxonadan qanday daromad topishni yaxshi biladi

Issiqxonadan foydalanish tajribasini hali ko‘pchilik yaxshi o‘zlashtirib ulgurmagan mustaqillikning ilk yillaridayoq Boboyor Xolboyev o‘z xonadonida issiqxona barpo etib, unda ko‘chat yetishtira boshlagan. Hozirda 20 sotix maydondagi issiqxonada pomidor, bodring, bulg‘or qalampiri hamda mavsumiy gul ko‘chatlari yetishtirilib, Surxon vohasining barcha tumanlari, Qashqadaryo viloyati va hatto qo‘shni Tojikistonlik mijozlarga ham yetkazib bermoqda.

O’zLiDeP Surxondaryo viloyati Kengashi raisi, viloyat kengashi deputati Alisher Ro‘ziyev Boboyor Xolboyevning faoliyati bilan yaqindan tanishish niyatida uning xonadonida bo‘ldi. U yerda ko‘chatlarni qanday parvarish qilinayotganini ko‘zdan kechirdi. Bugungi kunda Boboyor Xolboyev o‘zi yashayotgan Termiz tumanidagi «Namuna» mahallasi fuqarolariga ham issiqxonada turli sabzavotlar, gul ko‘chatlarini yetishtirish tajribasini o‘rgatib, yaqindan ko‘mak berib kelmoqda. Muhimi, tinib-tinchimas otaxon bu yo‘nalishdagi bilimlarini oshirishni kanda qilmaydi. Boshqa viloyatlarning ham tajribasini so‘rab-surishtirib, o‘rganishdan erinmaydi. Axir qanday soha yoki yo‘nalish bo‘lmasin izlangan yaxshi-da. Zero, mehnatning samarasiyu hosilning barakasi ham shu izlanish va tirishoqlik ortidan keladi.

O’zLiDeP Surxondaryo viloyati Kengashi

matbuot xizmati

Teglar
Tomorqa
  • Ko'rildi
    408
  • Chop etish
  • Do'stlar bilan ulashish
← Orqaga qaytish

Fikringizni qoldiring

+