Deputat tashabbusi: Oltiariqdagi maktablarga interaktiv o‘quv doskalari keltirildi

06.03.2023, 10:59

Deputat tashabbusi: Oltiariqdagi maktablarga interaktiv o‘quv doskalari keltirildi

“Insonga e’tibor va sifatli ta’lim yili”da ayniqsa, umumta’lim maktablariga bo‘lgan e’tibor yanada kuchaydi.

Pedagog-murabbiylarning yoshlarga ta’lim-tarbiya berishlari hamda maktab o‘quv jarayonlarini sifatli tashkil etish maqsadida Prezidentimiz rahbarligida amalga oshirilayotgan islohotlar Oltiariq tumani ta’lim muassasalarida ham o‘z ifodasini topmoqda. Tumandagi mavjud 47 ta maktablarning o‘quv moddiy bazasini rivojlantirish, pedagoglar va o‘quvchilar uchun zamonaviy qulay sharoit yaratish ishlariga tuman hokimligi, sektor rahbarlari muntazam e’tibor qaratmoqdalar.

Qolaversa, Oltiariq saylov okrugidan Oliy Majlis Qonunchilik palatasiga saylangan deputat Bahrom Raxmonaliyevning tashabbusi bilan maktablarga interaktiv o‘quv doskalari keltirilmoqda.

Kuni kecha tuman hokimi Sh.Turdaliyev, Qonunchilik palatasi deputati B.Raxmonaliyev hamda tuman prokurori R.Tillayevlar ishtirokida 35 ta umumta’lim maktablariga ana shunday zamonaviy o‘quv jihozlari topshirildi.

  • Ko'rildi
    185
  • Chop etish
  • Do'stlar bilan ulashish
← Orqaga qaytish

Fikringizni qoldiring

+