Ertangi kuningizga befarq bo‘lmang, referendumda faol ishtirok eting

28.04.2023, 11:45

Ertangi kuningizga befarq bo‘lmang, referendumda faol ishtirok eting

O‘zLiDeP Toshkent shahar  kengashining navbatdagi tadbiri Yashnobod tumanida joylashgan “Ishga marxamat” monomarkazida bo‘lib o‘tdi.

“Konstitutsiya meniki, seniki, bizniki!”, “Konstitutsiya o‘zimizniki!” shiori ostida tashkil etilgan tadbirda partiya Toshkent shaxar kengashi raisi Ravshan Fozilov, Oliy Majlis Qonunchilik palatasi deputati Mavluda Xo‘jayeva, monomarkaz direktori Aygul Sattorova hamda “Amir Temur”  mahalla ahli faollari ishtirok etdi.

So‘zga chiqqanlar mamlakatimiz taraqqiyoti, xalqimizning ertangi farovon hayoti uchun mustahkam xuquqiy asos hamda ishonchli kafolat sifatida yangilanayotgan konstitutsiyada O’zbekiston “suveren, demokratik, huquqiy va ijtimoiy davlat” ekanligi hamda ushbu prinsipial qoidalarni o‘zgartirish mumkin emasligi alohida belgilab qo‘yilayotganini e’tirof etishdi. Shuningdek, davlat o‘z zimmasiga nogironligi bo‘lgan shaxslarning ijtimoiy, iqtisodiy va madaniy sohalar ob’ektlari va xizmatlaridan to‘laqonli foydalanish uchug shart-sharoit yaratish, ularning ishga joylashishi, ta’lim olishiga ko‘maklashish majburiyatini olayotgani ham ayni tamoyilning yaqqol ifodasidir.

Uchrashuv jarayonida deputatlar konstitutsiyaviy qonuni loyihasining mazmun-mohiyati yuzasidan to‘liq va batafsil ma’lumotlar berib o‘tishdi.  So‘ng barchani xalqimiz taqdiri va ertangi kunini belgilab beradigan tarixiy qonunga befarq bo‘lmasdan, 30 aprelda bo‘lib o‘tadigan referendumda faol ishtirok etishga chaqirib qolishdi.

Teglar
Referendum
  • Ko'rildi
    277
  • Chop etish
  • Do'stlar bilan ulashish
← Orqaga qaytish

Fikringizni qoldiring

+