O’zbekiston va Vengriya hamkorligi yanada mustahkamlanib bormoqda
21.08.2023, 15:13
Hech mubolag‘asiz aytish mumkinki, mamlakatimiz tashqi siyosatda misli ko‘rilmagan darajada muvaffaqiyatlarga erishmoqda. Bugun O’zbekiston dunyoga yuz tutmoqda, o‘zaro aloqalar yanada kengayib boryapti. O’zbekiston Respublikasi Prezidenti Shavkat Mirziyoyevning Vengriyaga tashrifi fikrimizning yorqin ifodasidir.
Davlatimiz rahbari Budapesht shahrida Vengriya Bosh vaziri Viktor Orban bilan uchrashuv o‘tkazdi.
Bosh vazir davlatimiz rahbariga Vengriyaning milliy bayrami – avliyo Ishtvan kuniga bag‘ishlangan tadbirlarda hamda shu kunlarda Vengriya poytaxtida o‘tayotgan yengil atletika bo‘yicha jahon chempionatining erkaklar o‘rtasidagi yugurish musobaqalari finalida shaxsan ishtirok etayotgani uchun samimiy minnatdorlik bildirdi.
O’zbekiston yetakchisi, o‘z navbatida, Vengriya Hukumati va do‘st xalqini milliy ayyom bilan dildan qutladi. Budapeshtda o‘tkazilayotgan jahon birinchiligi ushbu mamlakat sport sohasida boy an’analarga egaligi va keyingi yillarda bu borada yuksak muvaffaqiyatlarga erishayotganining dalolati ekanini alohida ta’kidladi.
O’zbekiston bilan Vengriya o‘rtasidagi strategik sheriklikni yanada mustahkamlash va ko‘p qirrali hamkorlikni kengaytirish masalalari muhokama qilindi.
Muloqotda amaliy hamkorlik barcha yo‘nalishlarda izchil rivojlanib borayotgani katta mamnuniyat bilan qayd etildi. Oliy darajadagi kelishuvlar samarali amalga oshirilmoqda, parlamentlar, hukumatlar, idoralar va hududiy ma’muriyatlar o‘rtasida sermahsul aloqalar yo‘lga qo‘yilgan.
O’zaro savdo hajmi ortib bormoqda, iqtisodiyotning turli tarmoqlarida yetakchi korxonalar kooperatsiyasi kuchaymoqda. Shu o‘rinda Vengriyaning OTP banki O’zbekiston bank-moliya bozoriga kirib kelgani strategik ahamiyatga ega ekani hamda Yevropa biznesi uchun muhim ishora bo‘lganini alohida e’tirof etish joiz.
Bundan tashqari, Vengriyaning Bonafarm, Gedeon Richter, Meditop, Wizz Air kabi yirik kompaniyalari O’zbekiston bilan savdo-iqtisodiy va investitsiyaviy hamkorlik loyihalarida faol qatnashmoqda.
Uchrashuv davomida madaniy-gumanitar sohadagi qo‘shma dasturlarni yanada ilgari surish muhimligi ham qayd etildi. Shu o‘rinda joriy yil 20 avgust kunidan boshlab Toshkent va Budapesht o‘rtasida to‘g‘ridan-to‘g‘ri aviaqatnovlar yo‘lga qo‘yilishi ishbilarmonlik aloqalarini faollashtirish va sayyohlar oqimini ko‘paytirishga xizmat qilishini ta’kidlab o‘tmoqchiman.
Umuman olganda davlatimiz rahbari uchrashuvda Birlashgan Millatlar Tashkiloti va boshqa xalqaro tuzilmalar doirasida yaqin va konstruktiv hamkorlikni davom ettirishga kelishib oldi.
Dilbar USMONOVA,
Oliy Majlis Qonunchilik palatasining
xalqaro ishlar va parlamentlararo aloqalar
qo‘mitasi a’zosi.
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring