Xotin-qizlar mehnat qilayotgan tadbirkorlik sub’ekti faoliyati bilan tanishildi
27.11.2023, 17:57
O’zLiDeP Qoraqalpog‘iston Respublikasi Kengashi “Ayollar qanoti” “Bunyodkor ayollar” loyihasi doirasida Xo‘jayli tumanidagi “Qoraqalpoq tekstil” MChJ faoliyati bilan yaqindan tanishdi.
Mazkur tadbirkorlik sub’ektiga Nargul Xudaybergenova rahbarlik qilib kelmoqda. Partiya vakillari ushbu tadbirkor bilan suhbatlashish asnosida “O’zbekiston-2030” strategiyasining mazmun-mohiyati bilan yaqindan tanishtirib o‘tdi. Strategiyada xotin-qizlar masalasida ham qator ustuvor vazifalar belgilab berilganligi, mamlakatimizda xotin-qizlarni qo‘llab-quvvatlash borasida amalga oshirilayotgan islohotlar, qonunlar, shuningdek, qator farmon va qarorlar ijrosi doirasida olib borilayotgan ishlar, ayniqsa strategiyada barcha sohalar singari tadbirkorlikni ham yanada rivojlantirish borasida belgilab berilgan ustuvor vazifalar bo‘yicha ma’lumotlar berildi.
Partiya vakillari korxonada qo‘l mehnati bilan qilinayotgan ish jarayoni bilan yaqindan tanishar ekan, u yerda ishlayotgan ishchi xotin-qizlar bilan suhbatlashildi, ularning tadbirkorlikka oid fikr va takliflari tingladi. Tadbirkorning kelgusi reja va maqsadlari aniq. Faoliyatini yanada kengaytirib, ishchi o‘rinlar sonini ko‘paytirish, mahalla qizlarini ish bilan ta’minlash, o‘quv-markazlarini ochishni niyat qilgan. Tadbirkorning ushbu maqsadlarini amalga oshirishda partiya doimo yordamga tayyorgarligini bildirdi.
Muloqot davomida partiyaning tashkil topganining 20 yilligi bilan korxona ishchilari tabriklanib, partiyaning esdalik sovg‘alari taqdim qilindi.
O’zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
Fikringizni qoldiring