Bilim va tajriba – qo‘sh qanot

10.05.2018, 10:13

Bilim va tajriba – qo‘sh qanot

O‘zLiDeP Siyosiy Kengashi Ijroiya qo‘mitasi Siyosiy ta’lim markazi tomonidan partiya viloyat, tuman va shahar Kengashlari raisining birinchi o‘rinbosarlari, mahalliy Kengashlardagi partiya deputatlik guruhi rahbarlari va ijrochi kotiblari malakasini oshirish bo‘yicha tashkil etilayotgan o‘quv seminarlar davom etmoqda.

Shunday o‘quv seminarlarning navbatdagisi Farg‘ona viloyatida bo‘lib o‘tdi. Uch kun davom etgan o‘quv seminar mashg‘ulotlari Siyosiy ta’lim markazi, Fuqarolik jamiyati shakllanishini monitoring qilish mustaqil instituti viloyat hududiy bo‘limi xodimlari, Farg‘ona Davlat universiteti professor-o‘qituvchilari hamda psixologlar tomonidan interfaol usulda olib borildi.

O‘zaro ochiq muloqot va bahs-munozara  ruhida o‘tgan seminarning birinchi kunida Prezidentimiz Shavkat Mirziyoyev g‘oyasi va rahbarligida ishlab chiqilib, hayotga izchil tatbiq etilayotgan 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi chuqur o‘rganildi. Davlat va jamiyat qurilishini takomillashtirish, qonun ustuvorligini ta’minlash va sud-huquq tizimini yanada isloh qilish, iqtisodiyotni yanada rivojlantirish va liberallashtirish, ijtimoiy sohani taraqqiy ettirish, xavfsizlik, millatlararo totuvlik va diniy bag‘rikenglikni ta’minlash, chuqur o‘ylangan, o‘zaro manfaatli va amaliy ruhdagi tashqi siyosat yuritish bo‘yicha strategiyada belgilab berilgan aniq, hayotiy islohotlar hamda  ularni amalga oshirish mexanizmlarining ilmiy-nazariy asoslariga bag‘ishlangan ma’ruzalar tinglandi.  Bu borada partiya oldida turgan ustuvor vazifalar haqida fikr almashildi. 

– Mamlakatimizning kelgusi besh yillik taraqqiyot strategiyasi barcha sohalarni liberallashtirish, modernizatsiya qilish, amalga oshirilayotgan islohotlar samarasini yanada yuksaltirish, davlat va jamiyat rivojini yangi bosqichga ko‘tarish, ayniqsa, tadbirkorlik va fermerlik faoliyatini takomillashtirish, bandlik masalasini hal etishda muhim dasturilamal bo‘lmoqda, – deydi O‘zLiDeP Siyosiy Kengashi Ijroiya Qo‘mitasi Siyosiy ta’lim markazi rahbari  B.Abdullayeva. – Shu nuqtai nazardan bugun mazkur hujjatning mazmun-mohiyati va ahamiyatini partiyamiz hududiy tashkilotlari xodimlariga yanada kengroq yetkazish, unda ko‘zda tutilgan ustuvor vazifalar ijrosi to‘g‘risida eektoratimiz xabardorligi va faol ishtirokini ta’minlash markazimiz oldida turgan muhim vazifalardan biri hisoblanadi. Mazkur o‘quv seminarlar bu yo‘nalishda targ‘ibotchilarni tayyorlash, hududlarda Harakatlar strategiyasi targ‘ibotini jonli muloqotlar, samimiy suhbatlar tarzida sodda, xalqchil va hayotiy tashkil etilishini ta’minlash maqsadida o‘tkazilmoqda. 

Seminarning keyingi kunlari uchun tanlangan mavzular ham dolzarbligi bilan ishtirokchilarda katta qiziqish uyg‘otdi. Ularga O‘zLiDeP viloyat, tuman va shahar Kengashlari raisining birinchi o‘rinbosarlari – apparat rahbarlarining va Xalq deputatlari viloyat, tuman shahar Kengashlaridagi partiya deputatlik guruhi ijrochi kotiblarining vazifa va vakolatlari, partiya faoliyatiga oid xujjatlar bilan ishlash, partiya tomonidan e’lon qilingan loyihalarni amalga oshirish, Boshlang‘ich partiya tashkilotlarida hisobot saylov yig‘ilishlarini o‘tkazish, partiya targ‘ibotida xodimlarining notiqlik san’ati va nutq madaniyatini o‘stirishga oid zarur bilim va ko‘nikmalar berildi.

– O‘z bilim va malakasini yanada boyitishga intilayotgan partiyamiz faollari uchun ushbu o‘quv seminar ayni muddao bo‘ldi, – deydi  O`zLiDeP Farg‘ona shahar kengashi apparati rahbari A.Oripov. – Muhimi, partiyadoshlarimiz o‘z ish faoliyatida uchrayotgan muammolar va yo‘l qo‘yayotgan xato-kamchiliklarini ro‘y-rost aytib, ularni bartaraf etish chora-tadbirlarini belgilab oldi. 

Shuningdek, seminarda O‘zLiDeP hududiy tashkilotlari va ommaviy axborot vositalari hamkorligini mustahkamlash, partiya veb-sayti va boshqa ijtimoiy tarmoqlar bilan ishlashning samarali usullari ishtirokchilarga amaliy mashg‘ulotlar orqali tushuntirildi.

Sh.Tolipova,

 O‘zLiDeP Farg‘ona viloyat kengashi

Matbuot kotibi

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

Teglar
STM
  • Ko'rildi
    1421
  • Chop etish
  • Do'stlar bilan ulashish
← Orqaga qaytish

Bildirilgan fikrlar

А.Ўрмонова Тошлоқ тумани Кенгаши аппарат рахбари2018-05-24 16:08:19

Ушбу очиқ мулоқот ва баҳс-мунозара руҳида ўтган семинарнинг биринчи кунида Президентимиз Шавкат Мирзиёев ғояси ва раҳбарлигида ишлаб чиқилиб, ҳаётга изчил татбиқ этилаётган 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси чуқур ўрганилди. Давлат ва жамият қурилишини такомиллаштириш, қонун устуворлигини таъминлаш ва суд-ҳуқуқ тизимини янада ислоҳ қилиш, иқтисодиётни янада ривожлантириш ва либераллаштириш, ижтимоий соҳани тараққий эттириш, хавфсизлик, миллатлараро тотувлик ва диний бағрикенгликни таъминлаш, чуқур ўйланган, ўзаро манфаатли ва амалий руҳдаги ташқи сиёсат юритиш бўйича стратегияда белгилаб берилган аниқ, ҳаётий ислоҳотлар ҳамда уларни амалга ошириш механизмларининг илмий-назарий асосларига бағишланган маърузалар тингланди. Бу борада партия олдида турган устувор вазифалар ҳақида фикр алмашилди. Ўқувлар натижасида сиёсий ва хуқуқий билимларимиз ошди, масъулият кучайди. Сиёсий Кенгаши хамда Вилоят Кенгашига минаддорчилик билдирамиз.


Ҳумоюн Мусажонов O'zLiDeP Сўх туман Кенгаши ижрочи котиби2018-05-15 16:26:35

Бундай уқув семинарни утказилиши биз партия ходимларига ўз устимизда янада купроқ ишлаш кераклигини аҳолини партияга жалб қилишнинг янгича усулларини ургатди.


Бекимбетова Элиза Азаматовна ЎзЛиДеП Нукус шаҳар Кенгаши2018-05-15 15:36:19

Ушбу ўкув семинар Қорақалпоғистон Республикасида ҳам бўлиб ўтди. Ўқув семинар аъло даражада бўлиб ўтди. Семинардан қолган таасуротлар жуда ижобий, айниқса сиёсий таълим маркази раҳбари Б.Абдуллаева ўзларининг профессионал сиёсатчилиги ва нотиқлиги билан бизларни лол қолдирдилар. Семинар туфайли бизларнинг сиёсий билимимиз сезиларли даражада ошди ва ишга бўлган маъсулиятимизни хис қилдик. Сиёсий таълим марказига миннатдормиз.


М.Ахназарова2018-05-15 11:40:11

Бу каби укув-суминарларнинг ташкил этилиши соха ходимларининг билимини ва малакасини оширишда катта ахамиятга молик. Барча худудларда утказилган укувлар ходимлар ва депутатларнинг келгуси фаолиятида ижобий натижасини курсатишига ишонамиз.


Гулистон- Элликқалъа тумани ижрочи котиби2018-05-15 11:37:23

1-3 март кунлари Қорақалпоғистон Республикасида ўтказилган бу каби ўқув семинар бизда жуда катта таасурот колдирди. Биз уз хизмат вазифамиз ва депутатлар билан натижали ишлаш йўлларини ўргандик.


Одил Эркабоев-Данғара туман Кенгаши аппарат раҳбари2018-05-15 07:29:00

Ушбу ўқув семинари мен учун жуда фойдали бўлди. бундай ўқув семинарларини ҳар олти ойда ташкил этиш лозим деб ҳисоблайман.


"Крантас" МЧЖ - БПТ М.Улуғбек тумани2018-05-14 10:39:19

Сиёсий таълим марказига раҳмат бизга партиямиз ҳақида яхши билимлар беришди.


O`zLiDeP Cурхондарё вилоят Кенгаши СТМ рахбари Гулмира Амирова2018-05-11 16:17:12

Ўқув семинарлари жуда керак бугунки ахборот глабалашув даврида хар бир сиёсий партия ходими айниқса O`zLiDeP аъзолари нафақат ишни балки хар бир содир бўлаётган воқеа ходисаларга сиёсий жихатдан тўғри талқин қилаоладиган кадрлар бўлишлари шарт. Қабул қилинаётган қонун ва фармойишларга муносабат ва янгиси бўйча таклифларга фаоллик кўрсатиши лозим. Бунинг учун ўқувлар керак.


Насиба-СТМ2018-05-11 10:44:22

Сиёсий таълим маркази рахбари Б.Абдуллаева бошчилигида ўтказилаётган бу ўқув семинарлар жуда яхши натижа бермоқда. Ўқувлар натижасида партия тизимида ишлаётган партия ходимларининг ва деп.гурух рахбарларининг сиёсий ва хуқуқий билимлари янада ошиб, масъулияти янада ошмоқда


Конимех туман ветеринария бўлими БПТ раиси Дуйсенов Пўлат2018-05-10 18:00:22

Ушбу ўқув семинарлар орқали иштирокчилар янада кенгроқ тажриба тўплайди. Келгусидаги фаолиятида самарали меҳнат қилишга пойдевор бўлиб хизмат қилади деб ўйлайман.


Fikringizni qoldiring

+