Ona va bola sog‘lom bo‘lsa, oila baxtli, oila baxtli bo‘lsa, jamiyat mustahkam bo‘ladi
04.07.2018, 14:46
O‘zLiDeP Sirdaryo viloyat Kengashi tomonidan “Yangiyo‘l” MFYdagi QVPda “Sog‘lom oila – mustahkam oila” loyihasi doirasida ana shu mavzuda davra suhbati tashkil etildi.
Tadbirda partiya viloyat Kengashi “Ayollar qanoti” tomonidan sog‘lom onadan, sog‘lom otadan sog‘lom farzand tug‘ilishini ta’minlash, homilador ayollar sog‘lig‘ini saqlash va mustahkamlash, qiz bolalarni, xususan, bo‘lajak onalarni har tomonlama qo‘llab-quvvatlash borasida hayotga tatbiq etilayotgan tizimli ishlar yaxshi samara berayotgani ta’kidlandi.
– Orzu-havas bilan qurilgan oila qo‘rg‘onining mustahkamligi sog‘lom turmush va salomatlik tushunchalari bilan chambarchas bog‘liq, – deydi “Nozigul Oqoltin Sardor” xususiy klinikasi direktori Gulchehra Jonjigitova. – Shu bois aholi, ayniqsa, yoshlar o‘rtasida sog‘lom turmushni targ‘ib etishga, nikohlanuvchi shaxslarni tibbiy ko‘rikdan o‘tkazishning ahamiyati va samaralari xususida keng tushuntirish olib bormoqdamiz. Ayniqsa, joylarda, mahallalarda ushbu mavzularda muntazam davra suhbatlari, uchrashuvlar tashkil etilmoqda. Bu esa xotin-qizlar o‘rtasida uchrayotgan turli kasalliklarning oldi olish barobarida ayollar salomatligi mustahkamlashda muhim omil bo‘lmoqda.
Ta’kidlash kerak, tadbir davomida malakali kardiolog, travmatolog, nevrapotolog, endakrinolog va ginekologlar tomonidan 50 ga yaqin xotin-qizlar bepul tibbiy ko‘rikdan o‘tkazildi. Kasalligi aniqlangan ayollarga zarur maslahatlar berildi.
S.BABAYEVA,
O‘zLiDeP Sirdaryo viloyat Kengashi
ayollar bilan ishlash bo‘lim mudiri
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Mingdan ortiq shogird tarbiyalagan ishbilarmon Madina Kasimbayeva tanlov g‘olibi bo‘ldi
14.05.2024, 14:07
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
Bildirilgan fikrlar
Жобборкул Тошкулов O'zLiDeP Ширин2018-07-12 14:12:41
Она ва бола соғлом бўлса, оила бахтли, оила бахтли бўлса, жамият мустаҳкам бўлади тадбирининг ўтказилиши хозирги замон талабига мосдир. Хақиқатдан хам Сирдарё вилоятининг Ховос тумани Фарход ҳамда Бобур СФУ Фарход ва Соҳибкор МФЙларда жойлашган аёлларимизнинг бугунгги кундаги тиббий кўрикдан ўтказиш хозир хам орқада оқсаб бормоқда. Сабаби етарли малакали акушер-генеколог шифокорлар етарли эмас, туман хамда вилоятдан ёрдамга келган шифокорлар бўйича тиббиёт бўлимлари олдиндан хар бир оила бекаларига шифокорларни келиши ва аёлларимизни қабул қилиши бўйича олдиндан огохлантиришмас экан бу холат хозирги вақтда хам оқсаб бораверади. Шу сабабли бу тизимни янада мукаммал жорий этиш керак. Керак бўлса шифокорлар ташрифидан бир сутка олдин барча худудий аёлларимизни огохлантириб бориши тўғрисида ёзма равишда айтиб чиқилса шундагина аёлларимиз тиббий кўрикдан тўлиқ ўтишлари аниқ ва мақсадга мувофиқ бўлар эди.
Бегматова Зухра Сирдарё вилоят Кенгаши Кадрлар бўйича инспектор2018-07-05 08:30:51
Тиббий кўрикларни чека-чека худудларда ўтказилиши, хар бир оила четда қолмаслик мақсадида уюштирилиши жуда катта натижаларга эришишга хизмат қилади. “Нозигул Оқолтин Сардор” хусусий клиникаси директори Гулчеҳра Жонжигитовага ўхшаган инсонларнинг кўмаги кўп бўлишини улар ҳам Г.Жонжигитовага сингари жамият мустахкамлиги, оилаларда соғлом турмуш тарзи йўлга қўйилишига хиссаларини кўшишларини истардим.
Yazdon Toshonov O'zLiDeP Kattaqurg'on tuman Kengashi raisining birinchi o'rinbosari ,apparat rahbari.2018-07-05 00:03:41
Сирдарелик партиядошларимиздан урнак олиб мана шундай тиббий курикларга хусусий тиббиет муассасалари шифокорларини купрок жалб килишимиз керак.
Гулбаҳор Тўраева. Қашқадарё вилояти "Аёллар қаноти" бўлими2018-07-04 16:35:54
"Аёллар қаноти" томонидан “Соғлом оила – мустаҳкам оила” лойиҳаси доирасида ташкил этилаётган тарғибот тадбирлари, хотин-қизлар ўртасида ташкил этилаётган бепул тиббий кўриклар келажак авлоднинг соғлиғини сақлаш ва мустаҳкамлашда, оилаларда соғлом муҳитни шаклланишида муҳим аҳамият касб этади..
Матлуба Зарипова-Ғиждувон туман педагогика коллежи директори, ЎзЛиДеП туман Кенгаши раис ўринбосари 2018-07-04 15:39:50
Шундай тадбирларнинг кўплаб ўтказилиши оилаларнинг ҳар томонлама мустаҳкамланишига хизмат қилади. Оиланинг мустаҳкам бўлишида оила аъзоларининг жисмонан соғлом бўлиши ўз навбатида оиланинг маънавий-руҳий оламининг гўзал ва барқарор турмуш кечиришининг омилидир.