Маълумки, кейинги йилларда Янги Ўзбекистонда мисли кўрилмаган ислоҳотлар ва ижобий ўзгаришлар рўй берди.

Янги Ўзбекистонда рўй бераётган оламшумул натижаларни санаб адоғига етиб бўлмайди.

Ғоят қисқа вақтда Учқудуқ тумани ва унинг маркази ҳам янгича, замонавий қиёфа касб этиб, бугун ҳудуд улкан тараққиёт йўлидан бормоқда.

Президентлик сайлови олдидан ЎзЛиДеПдан кўрсатилган номзод Ш.Мирзиёевнинг ишончли вакили Қ.Санақулов учқудуқликлар билан яна бир карра сайловолди учрашувини ташкил этиб, ўтган  беш йил сарҳисоби, шунингдек, келгуси беш йиллик учун изчил режалари ҳақида маъруза қилди.

Жумладан, биргина тадбиркорликка қаратилган эътибор туфайли туманда тадбиркорлик субъектлари сони 2017 йилга нисбатан беш бараварга ошган. Ҳозирда рўйхатдан ўтган тадбиркорлар сони 1265 тани ташкил этмоқда.

“Обод қишлоқ” дастури доирасида “Қулқудуқ”, “Мингбулоқ”, “Узунқудуқ”, “Шалхар”, “Йўлчилар”, “Бўзаубай”, “Кокаяз”  сингари овулларда ободонлаштирилган ва 28,8 километр ичимлик сув қувурлари тортиш ва реконструкция қилиниши натижасида 5 та аҳоли пункти 20 километр узунликда тоза ичимлик суви билан таъминланган. 

Ўтган беш йилликда Учқудуқда 10 километр электр тармоқлари реконструкция қилиниб, таъминот масаласи тўлиқ ечилган, шунингдек, 18 километр автомобиль йўлларини қуриш ва реконструкция қилиш ишлари амалга оширилди.

Эришилган муваффақиятлар замирида халқпарвар Президентнинг мукаммал сиёсати эътироф этилиб, ишончли вакил томонидан номзоднинг Янги Ўзбекистоннинг янги беш йиллиги учун тайёрлаган  сайловолди дастури ҳам қисқача қилиб бандма-банд тушунтириб берилди.

Иштирокчилар томонидан илиқлик билан кутиб олинган Президентликка номзоднинг сайловолди дастурига Учқудуқ аҳолиси ўз фикр ва мулоҳазаларини билдиришди, бир қанча таклифларини ҳам баён этишди.

М.Пирнафасова,

O'zLiDeP Навоий вилояти Кенгаши

матбуот котиби