Ишончли вакилнинг ховослик сайловчилар билан учрашуви туман тумандаги 2-сон касб-ҳунар мактабида бўлиб ўтди. Унда сайловолди тадбирига астойдил қизиққан, бугун ҳаётда ўрнини топган турли соҳа вакиллари, депутатлар, тадбиркорликка қизиқувчи аҳоли вакиллари иштирок этдилар.

-Президентликка партиямиздан кўрсатилган номзод Ш.Мирзиёевнинг сайловолди дастурида  ҳар бир фуқарога давлат ҳисобидан аниқ касб-ҳунарга ўқиш  имконияти яратилиши, касбга ўқитиш кўлами 2 баробар оширилиб, жами 1 миллион нафар ишсиз фуқаро касб-ҳунарга ўқитилиб, бу жараёнда нодавлат таълим муассаларининг иштироки 30 фоизга етказилиши алоҳида таъкидланган, - деди ишончли вакил П.Ахмаджанова. - Шунингдек, касбий таълим билан тизимли шуғулланиш масалалари тўлиқ равишда Бандлик ва меҳнат муносабатлари вазирлиги ихтиёрига ўтказилади.

Учрашувда O'zLiDeP Сирдарё  вилояти Кенгаши аппарат раҳбари Шоҳиста Бозорбоева ва партия фаоллари иштирок этишди. Тадбир иштирокчилари номзодни ёқлаб овоз беришларини таъкидлашди.

O'zLiDeP Сирдарё  вилояти Кенгаши

 матбуот хизмати