Ёшларда Ватан тақдири учун юксак масъулият туйғусини шакллантиришга биз ҳам ҳисса қўшишимиз керак
10.01.2022, 15:34
Тинчлик, хотиржамлик барқарор мамлакатдагина ҳар жиҳатдан ўсиш, ривожланиш бўлади, буюк мақсадлар, орзулар рўёбга чиқади. Шу маънода давлатимиз раҳбарининг мамлакатимизда тинчлик-осойишталик таъминланиши, мудофаа салоҳиятимиз ошишига жуда катта эътибор қаратаётгани алоҳида эътиборга молик. Кейинги беш йилда амалга оширилаётган чуқур ўзгаришлар натижасида Ўзбекистон Республикаси Қуролли Кучлари жамиятимизнинг ажралмас бир қисмига, мамлакатимиз барқарорлиги ва тараққиётининг кафолатига, ҳарбий хизматчилар ва ёшларни ҳарбий-ватанпарварлик руҳида тарбиялашнинг муҳим институтига айланяпти.
Ана шу ижобий жараёнда мудофаа тизимининг мукаммал тайёргарликка эга, малакали кадрлар билан узлуксиз таъминланиши беқиёс аҳамиятга эга.
Яқинда Ўзбекистон Республикаси Президенти, Қуролли Кучлар Олий Бош Қўмондони Шавкат Мирзиёев Давлат хавфсизлик хизматининг ҳарбий таълим муассасалари фаолияти билан танишиб, хусусан, Темурбеклар мактабига ҳам ташриф буюрди. Президентимизга ҳарбий-академик лицейдаги ўқитиш тизими ҳақида маълумот берилди. Шу ерда видеоконференция орқали Тошкент, Нукус, Фарғона ва Шаҳрисабз шаҳарларидаги Темурбеклар мактаби ўқувчилари билан ҳам мулоқот бўлди.
Президентимизнинг мазкур тизимга улкан эътибор қаратаётгани барчамиз учун ибратлидир. Биз – партия фаоллари фуқароларда ватанпарварлик туйғусини янада юксалтириш, ёшларни ватанга садоқат руҳида тарбиялаш ишига ҳисса қўшиш учун тегишли тарғибот-ташвиқот ишларини кучайтиришимиз зарур.
Жамшид Жалолов,
O'zLiDeP Сиёсий Кенгаши Ижроия қўмитаси
ёшлар билан ишлаш бўлими мудири
Ўхшаш янгиликлар
-
Сайловолди дастури ижроси: парламент назорати ва фракциялараро рақобат
13.04.2024, 21:48
-
Жиззахда томорқаларни ишга солиш бўйича 309 та маҳаллага лидер тадбиркор – экспортчилар бириктирилиши белгиланди
09.04.2024, 20:27
-
Жиззахда кечаётган улкан ўзгаришлар Янги Ўзбекистонни қамраб олган бунёдкорлик жараёнига муносиб ҳисса бўлиб қўшилмоқда
09.04.2024, 20:25
-
Ўзбекистон ва Қозоғистон ҳамкорлиги янги босқичга чиқмоқда
09.04.2024, 17:23
-
Ердан самарали фойдаланиш - ёшлар бандлиги ва даромадини оширишнинг муҳим омилидир
09.04.2024, 17:15
Фикрингизни қолдиринг