Халқ депутатлари Наманган шаҳар Кенгаши депутати Қобилжон Дадабоев ташаббуси билан Юксалиш, Ижодкор, Орзу, Мустақиллик ва Тўқувчи маҳаллаларида яшовчи “Аёллар дафтари” рўйхатига киритилаётган хотин-қизлар билан учрашувлар ўтказилди. Учрашувлар давомида бемор ва ногиронлиги бўлган аёлларнинг бугунги турмуш шароити хонадонма-хонадон юриб ўрганилди.

Мамлакатимизда ижтимоий аҳволи ва турмуш шароити оғир, ишсиз ва ижтимоий фаол бўлмаган хотин-қизларни ҳар томонлама қўллаб-қувватлаш ва ҳимоя қилиш борасида олиб борилаётган манзилли ишлар борасида кенг тушунтиришлар берилди.

43 нафар эҳтиёжманд, бемор ва ногиронлиги бўлган, боқувчисини йўқотган хотин-қизлар холидан хабар олиниб, уларни моддий ва маънавий қўллаб-қувватланди.