O'zLiDeP Самарқанд вилоят Кенгаши “Аёллар қаноти” вакиллари Янги Ўзбекистоннинг Тараққиёт стратегиясининг 69-мақсадида белгилаб берилган вазифалар ижросини ўрганиш мақсадида Нуробод туманида иш бошлаган хотин-қизлар фаолияти билан танишди.

Партия вакиллари “Аёллар дафтари”га киритилган ва бугунги кунда имтиёзли кредит олиб ўз тадбиркорлик фаолиятини йўлга қўйган тадбиркор аёл Юлдуз Бексалиеванинг тикув цехида бўлишди ва шу ернинг ўзида маҳорат дарси ташкил этилди.

Маҳорат дарсида тумандаги "Аёллар дафтар"га киритилган ва тадбиркорликка қизиқиши бўлган хотин-қизлар жалб қилиниб, тикувчилик сирлари бепул ўргатилди. Учрашув давомида 2 нафар хотин-қизлар мазкур тикув корхонасига жойлаштиришга эришилди.

Марҳабо Чулиева,

O'zLiDeP Самарқанд вилоят Кенгаши

бўлим мудири