Қонликўлда аҳоли бандлигини таъминлаш борасида қилинаётган ишлар таҳлил қилинди

09.11.2022, 17:51

Қонликўлда аҳоли бандлигини таъминлаш борасида қилинаётган ишлар таҳлил қилинди

Халқ депутатлари Қонликўл туман Кенгашидаги O’zLiDeP депутатлик гуруҳининг навбатдаги йиғилиши бўлиб ўтди.

Йиғилиш кун тартибида меҳнат миграциясидан қайтиб келган фуқаролар бандлигини таъминлаш борасида қилинаётган ишлар юзасидан туман Аҳоли бандлигига кўмаклашиш маркази директор ўринбосари Д.Хамудуллаевнинг ҳисоботи тингланди.

Бугунги кунда Қонликўл туманида 52 мингдан зиёд аҳоли истиқомат қилиб келаётган бўлса, шундан меҳнатга лаёқатли ёшдагилар 26 мингдан зиёдни ташкил этади. 

Туман аҳоли бандлигига кўмаклашиш маркази томонидан аҳолини иш билан таъминлаш мақсадида бугунги кунда 243 та бўш иш ўринлари мавжуд. 

Жорий йилнинг 9 ойи давомида туман ҳокимлиги, Прокуратура, Ёшлар ишлари агентлиги билан ҳамкорликда 12 марта бўш иш ўринлари меҳнат ярмаркаси ўтказилди. Меҳнат ярмаркасида 257 ташкилотдан 461 бўш иш ўринлари билан қатнашган бўлса, шундан 298 нафар фуқарога ишга жойлашиш учун йўлланмалар берилди ва 163 нафар фуқарога эса маслаҳат ва тавсиялар берилди. 

Йиғилиш давомида юқоридаги масала бўйича иштирокчилар аҳолининг бандлигини таъминлаш борасида қилинаётган ишларни таҳлил қилар экан, ўзларининг фикр ва таклифларини ҳам билдириб ўтди. 

O’zLiDeP Қорақалпоғистон Республикаси

Кенгаши матбуот хизмати

  • Кўрилди
    296
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+