Депутат ва партия фаоллари кўмагида 50 нафар боланинг суннат тўйи ўтказилди

29.11.2022, 14:52

Депутат ва партия фаоллари кўмагида 50 нафар боланинг суннат тўйи ўтказилди

Ғиждувон туман марказидаги “Дилкаш” тантаналар масканида Халқ депутатлари туман Кенгаши депутати, меҳнат фахрийси Рахмад Махмудовнинг ташаббуси ҳамда ҳудуддаги саховатпеша ҳомийлар кўмагида МФЙлардаги кам таъминланган ва эҳтиёжманд оилалар фарзандларидан 50 нафарининг суннат тўйлари ўтказилди.

Тантанада туман раҳбарияти, маҳаллий Кенгаш депутатлари, кенг жамоатчилик вакиллари, тўйболаларнинг ота-оналари ҳозир бўлдилар.

Тўкин дастурхон атрофидаги маҳаллий санъаткорлар ва  ижрочи ёшлар томонидан куйланган дилрабо қўшиқлар, ижро этилган жозибали рақслар барчага хушнудлик бахш этди.

Болажонларга тўй сарполари кийдирилиб, уларга ҳомий ташкилотларнинг совға-саломлари улашилди. Айниқса болакайлар севиб томоша қиладиган мултфильм қаҳрамонлари тимсоллари даврага ўзига хос шукуҳ бағишлади.

Бундай байрамона тадбирлар ва халқимизнинг азалий урф-одат ва анъаналари болажонлар хотирасига бир умрга муҳрланиб қолиши турган гап.

  • Кўрилди
    134
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+