Ҳар қандай давлатнинг тарихий тараққиёт йўлидан маълумки, юртнинг жадал ривожланиши, муайян ютуқларга эришиши, халқнинг фаровон бўлиши ўша давлатда ёшлар таълим-тарбияси ва келажагига бериладиган эътибор даражасига чамбарчас боғлиқ.

O’zLiDeP Тошкент шаҳар Кенгаши ёшлар ва бизнес тузилмалари билан ишлаш бўлими томонидан Тошкент архитектура-қурилиш универститетида “Ёш депутат минбари” – мамлакатимизда амалга оширилаётган ислоҳотлар бўйича ёшлар фикри ва муносабатларини ўрганишга бағишланган очиқ мулоқот ташкил этилди.

Тадбирда Олий Мажлис Қонунчилик палатаси депутати Расул Кушербаев, партия фаоллари ва ёшлар иштирок этишди.

Депутатларимиз ҳамда ёшлар ўртасида кечган очиқ самимий руҳдаги учрашувда ижтимоий ҳаётга оид муаммолар ҳамда ёшлар таълими масаласи муҳокама қилинди. Депутат Расул Кушербаев билдирилган таклиф ва мурожаатларга муносабат билдираркан, ҳудуддаги ҳал бўлишини кутаётган ижтимоий муаммоларнинг ечим топиши ҳанузгача долзарб масала бўлиб қолаётганини таъкидлади.

“Ёшларнинг овозига қулоқ тутиш жуда муҳимдир”, – дейди давлатимиз раҳбари бугунги кунда юзага келган глобал миқёсдаги шарт-шароитдан келиб чиққан ҳолда. Ёшларнинг эҳтиёжларини таъминлаш, ҳуқуқ ва қонуний манфаатларини ҳимоя қилишга қаратилган чора-тадбирларни ишлаб чиқиш ҳамда амалга оширишда бевосита иштирок этишлари учун ёшларнинг ўзига имконият яратиш катта аҳамият касб этади. 

Ана шу мақсадда O’zLiDeP Тошкент шаҳар Кенгаши томонидан депутатларимиз билан ҳамкорликда ёшларининг муаммоларини ва бугунги кунда амалга оширилаётган ислоҳотларга бўлган муносабатини ўрганишнишда давом этмоқда.

Тадбир қизғин савол-жавобларга бой тарзда ўтди.

Моҳинисо Фармонова,

O’zLiDeP Тошкент шаҳар Кенгаши

ёшлар ва бизнес тузилмалари билан

ишлаш бўлими мудири