Аввал хабар берганимиздек, O'zLiDeP марказий ва ҳудудий кенгашлари, партиядан сайланган депутатлик корпуси, қолаверса партиянинг фаоллари бўлмиш кўплаб тадбиркорлар совуқ кунларда юза келаётган муаммоларни юмшатиш, аҳолига электр энергияси ва иситиш тизими билан таъминлашда ҳар бир ҳолатни аниқ ўрганган ҳолда тегишли ёрдам қўлини чўзмоқда.

Халқ депутатлари Наманган шаҳар Кенгашининг тиниб-тинчимас, жонкуяр депутатларидан Гавҳархон Турғунова ташаббуси билан 3 кун давомида эҳтиёжманд, кам таъминланган оилаларга саховат кўрсатди. Халқ вакили ҳомийлигида “Янги замин”, “Меҳнатобод”, “Атангангузар”, “Чаманзор”, “Ишонч”, “Гўзал” маҳаллаларида аҳоли хонадонлари учун 10 тоннадан ортиқ кўмир тарқатилди.

Аҳоли мурожаатларига доимий эътибор бераётган, уларни қийнаётган  муаммоларига ечим топиб, дардига дармон бўлишга интилаётган халқ вакилига миннатдорчилик билдирилди.