Юртбошимизнинг тадбиркорларга ишончи нақадар юксаклигини ўтган етти йил тўла исботлади. Соҳадаги янгиланиш ва ўсиш, рақамларни қайта такрорлашга зарурат йўқ, деб ўйлайман.

Эътибор берган бўлсангиз, Президентимизнинг сайловолди дастурида ҳам бу борада катта мақсадлар белгиланган. Жумладан, тадбиркорларга ижтимоий шериклик асосида камбағал тоифа учун бандлик дастурларини амалга оширишда қўшимча имтиёз ва рағбатлар бериш тартибини ишлаб чиқиб, бунга ҳар йили камида 1 миллиард доллар йўналтириш бўйича барча куч ва ҳаракатлар сафарбар этилиши маълум қилинганди.

Давлатимиз раҳбарининг лавозимга киришиш тантанали маросимидаги нутқида тадбиркорлик учун янада қулай имкониятлар яратиб, янги-янги иш ўринлари очиш, аҳоли даромадларини кўпайтириш, ёшлар ва хотин-қизларни замонавий касб-ҳунарларга ўқитиш, уларнинг бандлигини ошириш эътибор марказида бўлиши айтилди. Бу ҳам соҳадаги ўзгаришлар тўхтаб қолмаслигига, аксинча, янги босқичга кўтарилишига асосдир.

Дилшод ШОУМАРОВ,
O‘zLiDeP Сиёсий Кенгаши Ижроия қўмитаси
 раиси ўринбосари