Хабарингиз бор, давлатимиз раҳбарининг “Ўзбекистон – 2030” стратегияси тўғрисида”ги фармони ҳамда “Ўзбекистон – 2030” стратегиясини 2023 йилда ўз вақтида ва сифатли амалга ошириш чора-тадбирлари тўғрисида”ги қарорида белгиланган вазифалар ижросини таъминлаш мақсадида ЎзЛиДеПнинг узоқ муддатли чора-тадбирлар режаси ишлаб чиқилди. Ишчи гуруҳлар шакллантирилди. Унга мувофиқ, бир қатор партиявий лойиҳалар, назорат таҳлил тадбирлари олиб борилмоқда.

Шу муносабат билан Ишчи гуруҳ вакиллари Бухоро вилоятида бўлиб, болалар ўртасидаги ирсий касалликларнинг олдини олиш ва даволаш самарадорлигини ошириш ҳамда Оналар ва болалар ўлимини қисқартириш, соғлом болаликни таъминлаш борасида белгиланган вазифалар ижроси юзасидан ўрганишлар олиб борди.

Олий Мажлис Қонунчилик палатасидаги O'zLiDeP фракцияси аъзоси Мавлуда Ибрагимова Бухоро шаҳридаги оилавий поликлиникалар, тиббиёт муассасалари фаолиятини ўрганди, оналар ва болалар ўлимини кескин қисқартириш, бу йўналишда қилинаётган ишлар таҳлил қилинди.

Жойлардаги мавжуд муаммолар аниқланиб, уларнинг ечими бўйича аниқ вазифалар белгилаб олинди.