O‘zLiDeP Андижон туман кенгаши томонидан Ойжамол маҳалласи қошида фаолият юритаётган қуйи тузилмада 9 май – Хотира ва қадрлаш куни муносабати билан “Тинчлик йўлидаги фидойилигингиз ҳамиша қалбимизда” мавзуида хотира тадбири ўтказилди.

Унда қуйи тузилма аъзолари, депутатлар ҳамда Андижон туман Ахборот технологиялари касб-ҳунар коллежи ўқувчилари иштирок этди.

Дастлаб тадбир қатнашчилари Андижон шаҳридаги  “Мотамсаро Она” ҳайкали пойига гулчамбар қўйиб, бугунги тинч, осуда ҳаётимиз учун тамал тошини қўйганлар юртдошларимизни хотирладилар.

Шундан сўнг, иштирокчилар Андижон туманидаги Иккинчи жаҳон уруш қатнашчиларининг хонадонларига ташриф буюриб, уларга партиянинг эсдалик совғаларини тақдим қилдилар.

–Бундай учрашувлар ёшларимиз қалбидаги мустақиллигимизни асраб-авайлаш, Она Ватан эрки, тараққиёти йўлида куч-ғайратини аямаслик туйғуларини янада мустаҳкамлайди, – дейди қуйи бўғин етакчиси Муҳаррам Саримсоқова. – Бугун уруш қатнашчилари кўпчиликни ташкил этмайди. Омонлари ҳолидан хабар олиш, уларга юксак инсоний ҳурмат-эътибор намуналарини кўрсатиш, қадрлаш ҳар биримизнинг бурчимизга айланмоғи лозим.

Тадбирда Андижон туман Ахборот технологиялари касб-ҳунар коллежи ўқувчиларнинг уруш лавҳаларини акс эттирган бадиий чиқишлари барчанинг кўз ўнгида ўша даврни жонлантиргандек бўлди.

Одинахон ТУРҒУНОВА,

O‘zLiDeP Андижон туман кенгаши

 аппарат раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!