O‘zLiDeP Тошкент шаҳар Кенгаши “Аёллар қаноти” фаоллари Яккасарой тумани “Бобур” маҳалласида яшовчи биринчи гуруҳ ногирони Бобур Бўрановга ногиронлик аравачасини совға қилди.

– Бобуржоннинг имконияти чеклангани сабабли жисмонан соғлом кишилар каби ҳаракатлана олмайди, – дейди унинг онаси Иқболой Бўронова. – Оила аъзоларимиз билан унга қўлимиздан келганча ғамхўрлик қиляпмиз. Аммо янги ногиронлик аравачасини сотиб олишга моддий имкониятимиз етмаганди. Ҳайит байрами арафасида O‘zLiDeP “Аёллар қаноти” томонидан ногиронлик аравачаси совға қилинди, бунинг учун уларга раҳмат айтамиз.

Таъкидлаш керак, партиянинг “Аёллар қаноти” узоқ йиллардан буён ногиронлари бор оилаларга кўмаклашиб келмоқда. Бу эса имконияти чекланган юртдошларимизнинг кўнглини кўтариб, ҳаётга бўлган қизиқишини ошираётир.

Муроджон ЎРИНОВ,

O‘zLiDeP Тошкент шаҳар

Кенгаши матбуот котиби 

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!