“O‘zLiDeP бошланғич партия ташкилотлари ўз томорқасида тадбиркорлигини бошлаганларга кўмакдош” лойиҳаси доирасида партия Қашқадарё вилоят ҳамда Косон туман Кенгаши ходимлари, Нартибаланд  бошланғич партия ташкилоти аъзолари билан биргаликда Нартибаланд маҳалласида яшовчи O‘zLiDeP аъзоси Элдор Раҳимов хонадонида бўлдилар.   

Шуни алоҳида таъкидлаш керакки, Элдор Раҳимов ўз хонадонида намунали иссиқхона ташкил этган. Мазкур ташрифдан мақсад Нартибаланд маҳалласида яшовчи аҳоли ўртасида хонадон эгасининг иссиқхона ташкил қилиш ва уни юритиш бўйича тажрибасини оммалаштириш эди.

Ташриф давомида Раҳимов Элдор бошланғич партия ташкилоти аъзоларига ўз иссиқхонаси, унда етиштирилаётган маҳсулотлар ҳақида сўзлаб, иссиқхонада етиштириладиган экинлар тўғрисида амалий тавсиялар берди.

Иштирокчилар ташриф жараёнида иссиқхонадан даромад олиш бўйича ўзларини қизиқтирган барча саволларга жавоб олишди.

O‘zLiDeP Қашқадарё вилоят кенгаши

Матбуот хизмати

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!