O‘zLiDeP Ангор туман Кенгаши тумандаги “Зартепа” маҳалласида сайёр қабул ташкил этди. Унда ҳудуддаги мутасадди ташкилот раҳбарлари ҳамда кенг жамоатчилик вакиллари иштирок этди.

Сайёр қабулда ҳудуд аҳолиси номидан сўз олган Эшмуҳаммад Бобоқулов суюлтирилган газ баллонларини етказиб беришда узилишлар рўй бераётгани ва бундан фуқаролар азият чекаётганидан шикоят қилди. Унинг мурожаати тумангаз корхонаси вакили атрофлича ўрганилиб, яқин кунларда ҳал этиладиган бўлди.

Шу ҳудудда яшовчи Хайитқул Азимов ва Раимқул Исаевлар маҳалладан ўтувчи асосий магистрал М 39 йўлидан ўтиш йўлакчалари йўқлиги ҳамда автошоҳбекат мавжуд эмаслиги боис аҳолига маълум қийинчиликлар туғдираётганини баён қилишди. Ушбу мурожаатни Халқ депутатлари Ангор туман Кенгашидаги O‘zLiDeP депутатлик гуруҳи аъзолари М.Ярматов ва Х.Аллаяровлар ўз зиммасига олиб, “Ўзавтойўл” ДАКга депутатлик сўрови юбориш орқали муаммони ҳал этиб беришни маълум қилди.

Шунингдек, Гулбаҳор Саматованинг иш масаласида қилган мурожаати ҳам шу ернинг ўзида ҳал этилди.

–Кўп йиллардан буён ишсизман. Иш сўраб тегишли ташкилотларга мурожаат  қилдим, лекин ҳозирга қадар натижаси сезилмади, дейди у. – Охири  O‘zLiDeP сайёр қабулида иштирок этиб, яна бир карра мурожаат қилдим. Мутасаддиларга раҳмат, уларнинг ташаббуси билан “Зартепа” маҳалла фуқаролар йиғинига ишга жойлашдим.

Сайёр қабулда билдирилган бошқа мурожаатлар ҳам депутатлар назоратига олиниб, ечими  бўйича тегишли вазифалар белгилаб олинди.

Эркин АБДУЛЛАЕВ,

         O‘zLiDeP Ангор туман

Кенгаши ижрочи котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!