OʻzLiDeP Тошкент шаҳар Кенгаши Президентимизнинг “Ҳудудларда тадбиркорлик ташаббуслари ва лойиҳаларини жадал амалга оширишни ташкил этиш чора-тадбирлари тўғрисида”ги қарорига мувофиқ, “Тадбиркорликни ривожлантириш ҳамда ишончли ҳимоя қилишни таьминлаш, уларни жадал ривожлантириш йўлидаги тўсиқларни бартараф этиш чора тадбирлари” мавзусида тадбирлар ўтказиб келмоқда.  

Партия Олмазор туман Кенгаши ва Ёшлик талабалар шаҳарчаси ҳамкорлигида Турин политехника университетида бўлиб ўтган тадбир ана шу мавзуга бағишланди. Йиғилишда Халқ депутатлари ва Олмазор туман Кенгашидаги OʻzLiDeP депутатлик гуруҳи аъзолари, тадбиркорлар ва партиянинг фаол аъзолари иштирок этди. 

Тадбирдан кўзланган мақсад тадбиркорларимизни қийнаб келаётган муаммоларни бартараф этиш ва партия воситалар кўмагида тадбиркорлик субъектларини сонини кўпайтиришдан иборат. 

– Фаолиятимиз ойнага махсус ишлов беришдан иборат, – дейди  тадбиркор, OʻzLiDeP фаоли Достон Ешимов. – Ҳозирда 8 нафар кишини иш билан таьминлаганмиз. Фаолиятимизни янада кенгайтириб, маҳсулотларимизни хориж бозорларига олиб чиқишни режалаштиряпмиз.

Тадбир давомида “Ҳасан-Ҳусан” корхонаси раҳбари, OʻzLiDeP аъзоси  Ҳасан Балтабоев 150 кишилик замонавий турдаги мактабгача таълим муассасасини ташкил қилиш учун ер майдонини ололмаётганини айтиб, партия вакилларидан ёрдам сўради. Мазкур муаммо юзасидан O‘zLiDeP депутатлик гуруҳи аъзолари мутасадди ташкилотларга сўров билан чиқишга келишиб олишди.

Муроджон ЎРИНОВ

OʻzLiDeP Тошкент шаҳар

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!