O‘zLiDeP ташкил топганининг 15 йиллиги муносабати билан ўтказиб келинаётган “Энг намунали бошланғич партия ташкилоти” танловининг Гурлан туман босқичи бўлиб ўтди.

– Танловда туманимизда фаолият юритаётган 66 та бошланғич партия ташкилотлари вакиллари иштирок этди, – дейди  O‘zLiDeP Гурлан туман Кенгаши аппарат раҳбари Расулбек Каримов. – Танлов давомида ҳар бир таянч нуқтанинг ўтган давр давомида қилган амалий ишларига жиддий эътибор қаратдик. Фаоллиги, партиямиз билан доимий ҳамкорлиги ва кўплаб натижалари билан ажралиб турадиган туман “Ветеринария” бўлими қошидаги БПТ танловнинг туман босқичи ғолиби бўлди.

Таъкидлаш керак, Мавлуда Шерметова раислик қилаётган мазкур бошланғич партия ташкилоти партиямиз ташкил топганининг дастлабки кунларидаёқ тузилган эди. Дастлаб 5 нафар аъзо билан иш бошлаган қуйи бўғиннинг  аъзолар  сони бугунги кунга келиб 42 нафарга етган.

Хурсанд АРТИҚОВ,

 O‘zLiDeP Гурлан туман

Кенгаши ижрочи котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!