Олий Мажлис Қонунчилик палатасидаги O‘zLiDeP фракцияси ҳамда маҳаллий давлат ҳокимиятининг вакиллик органларидаги гуруҳлари фаолиятини мувофиқлаштириш, уларда партия Дастурини бажариш доирасида қонунчилик ташаббусини изчил ва мақсадли амалга ошириш қобилиятини шакллантириш мақсадида Фарғона вилояти ахборот-кутубхона марказида амалий мулоқот ташкил этилди.

Олий Мажлис Қонунчилик палатаси депутатлари, O‘zLiDePнинг Олий Мажлис фракцияси ижрочи котиби, халқ депутатлари вилоят Кенгаши депутатлари, партиянинг туман ва шаҳар Кенгаши ходимлари, мутасадди ташкилотлар ва оммавий ахборот воситалари иштирок этган мулоқотда Ўзбекистон Республикаси Олий Мажлиси Қонунчилик палатасининг Ялпи мажлисида биринчи ўқишда концептуал жиҳатдан қабул қилинган Қонун лойиҳалари кенг муҳокама қилинди.

Иштирокчилар томонидан “Ўзбекистон Республикасининг “Маъмурий жавобгарлик тўғрисида”ги Кодексига ўзгартишлар ва қўшимчалар киритиш тўғрисида”ги, “Давлат харидлари тўғрисида”ги, “Қишлоқ хўжалик ўсимликларини зараркунандалар, касалликлар ва бегона ўтлардан ҳимоя қилиш тўғрисида”ги, “Медиация тўғрисида”ги Қонуни лойиҳалари юзасидан 50 дан ортиқ таклифлар берилди.

– Бугунги тадбирда Ўзбекистон Республикаси Олий Мажлиси Қонунчилик палатасининг Ялпи мажлисида биринчи ўқишда концептуал жиҳатдан қабул қилинган Қонун лойиҳаларини мутасадди ташкилотлар, партия электорати, партиянинг туман ва шаҳар Кенгаши ходимлари, соҳага алоқадор мутахассис экспертлар билан биргаликда кенг муҳокама қилдик, – дейди O‘zLiDeP Фарғона вилояти Кенгаши раиси, Халқ депутатлари вилоят Кенгаши депутати Р.Камолов. – Қонун лойиҳаларига мамлакатимизда амалга оширилаётган ислоҳотлардан келиб чиққан ҳолда, ўз таклифларимизни бердик. Ўйлайманки, бу тарзда ташкил этилаётган муҳокамалардан сўнг қабул қилинган қонунлар халқимизнинг манфаатига хизмат қилади.

А.ОТАБОЕВ,

O‘zLiDeP Фарғона вилояти

Кенгаши матбуот хизмати ходими

МАВЗУГА ОИД:

Самарқандда бўлиб ўтган мулоқотда низоларни судгача ҳал этиш, давлат харидларини ривожлантириш ва бошқа йўналишларда аниқ таклифлар илгари сурилди

Қонун лойиҳасига олинаётган таклифлар – унинг мукаммал ишлаб чиқишда муҳим омилдир

Хоразмлик депутатларимиз биринчи ўқишда қабул қилинган қонун лойиҳаларига 30 дан ортиқ таклиф берди

O‘zLiDeP фаоллари иштирокида янги таҳрирдаги қонун лойиҳалари муҳокама қилинмоқда

Депутатлар қонун лойиҳалари бўйича аниқ таклифлар беришди

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!