Tomorqachilarga Oilakredit.uz platformasi mohiyati yuzasidan tavsiyalar berildi
21.02.2022, 17:17
Yaqinda Koson tumanidagi Quyibog‘ mahallasidagi G’ulomxon Sirojov xonadonida O’zbekiston fermer, dehqon xo‘jaliklari va tomorqa yer egalari Kengashi hamda O’zLiDeP Qashqadaryo viloyat Kengashi tashabbusi bilan Prezidentimizning 2021 yil 15 dekabrdagi “Tomorqadan foydalanish samaradorligini oshirish, shuningdek, aholining tadbirkorlik tashabbuslarini moliyaviy qo‘llab-quvvatlash bo‘yicha qo‘shimcha chora-tadbirlar to‘g‘risida”gi qarori yuzasidan tadbir tashkil etildi.
Unda tumandagi Quyibog‘ MFY hududidagi qishloqlar aholisi vaqillari, fermerlar, dehqon xo‘jaligi rahbarlari hamda jamoatchilik vakillari ishtirok etishdi. O’zbekiston fermer, dehqon xo‘jaliklari va tomorqa yer egalari Kengashi bo‘lim boshlig‘i Zokir Allamurodov aholi vakillariga Kengash huzuridagi Jamg‘arma tomonidan 100 bosh parranda, 5-10 bosh kurka, 20 bosh quyon, 5-6 bosh qo‘y va echki, 5 ta asalari uyasi, intensiv usulda baliq boqishni yo‘lga qo‘yish, shuningdek, ixcham issiqxonalar, “dala do‘konlari” qurish, artezian quduqlarini qazish bo‘yicha imtiyozli kreditlar ajratilayotganini, undan mazkur mahalla vakillari foydalanishlarim mukinligini aytib o‘tdi.
Shuningdek, tadbirda kreditlar onlayn tarzda inson omili aralashmagan holda Oilakredit.uz platformasi orqali berilishini, aholiga daromad keltirishga qaratilgan mehnat faoliyati bilan shug‘ullanishi uchun har tomonlama yordamlashish uchun qo‘shimcha qulayliklar yaratilgani haqida fikr-mulohazalar bildirildi.
O’zLiDeP Qashqadaryo viloyat Kengashi
matbuot xizmati
O'xshash yangiliklar
-
Tomorqachilikni rivojlantirish deputatlarning doimiy nazoratida
04.05.2023, 16:25
-
Tomorqa – xazina manbai
28.04.2023, 17:22
-
Mirzaobod tajribasi: mehr bersang tomorqa – katta daromad manbai
20.04.2023, 14:24
-
Asakalik tomorqachi ayol 18 sotix yerdan yiliga 120 million so‘mga yaqin daromad topmoqda
02.03.2023, 15:23
-
Termizlik tomorqachi issiqxonadan qanday daromad topishni yaxshi biladi
28.02.2023, 18:53
Fikringizni qoldiring