Yangi tahrirdagi Konstitutsiya targ‘iboti beruniylik xotin-qizlar orasida
17.04.2023, 15:55
Konstitutsiyaviy qonun loyihasining mazmun-mohiyatiga bag‘ishlangan tashviqot tadbirlarining navbatdagisi O‘zLiDeP Qoraqalpog‘iston Respublikasi kengashi Ayollar qanoti tashabbusi bilan Beruniy tumanidagi “Rayxon apparel” MChJda tashkil qilindi.
“Biz erkinlik uchun ovoz beramiz!” shiori ostidagi ushbu uchrashuvda Nukus shahar “Ona va bola skrining” markazi direktori, O‘zLiDeP Qoraqalpog‘iston Respublikasi kengashi raisining Ayollar masalalari bo‘yicha o‘rinbosari A. Qalandarova, tuman kengashi apparat rahbari R. Yuldasheva va partiya faollari ishtirok etdi.
Ular bugun yurtimizda kechayotgan barcha sa’y-harakatlar inson qadrini yuksaltirishga qaratilgani, Bosh qomusimizga kiritiladigan jamiki o‘zgarishlarning negizida ham O’zbekistonda kechayotgan islohotlar mohiyatini belgilovchi “Inson qadri uchun” ulug‘vor g‘oyasi yotganini alohida ta’kidlashdi.
Ayniqsa yangilanayotgan konstitutsiyada xotin-qizlarning jamiyat hayotidagi ijtimoiy faoliyatini oshirish bo‘yicha belgilanayotgan yangiliklarga urg‘u berildi. Ayniqsa, asosiy elektoratimiz bo‘lgan, tadbirkorlar, ishbilarmonlar, klaster va fermerlar loyiha muhokamasiga befarq bo‘lmadi, ko‘plab takliflar berishdi, bu o‘zgarishlarni qo‘llab-quvvatlashyapti.
Partiyamizning dasturiy maqsad va vazifalaridan kelib chiqib berilgan takliflar qonun loyihasida aks etdi. Ushbu o‘zgarishlarning aksariyati tadbirkor va fermerlarimiz uzoq kutgan, mulkdorlar qatlami uchun nihoyatda muhim ahamiyatga ega bo‘lgan o‘zgarishlardir.
Shuni alohida ta’kidlash joizki, Prezidentimizning oqilona siyosati tufayli iqtisodiy tashabbuskor – tadbirkorlar va ishbilarmonlar sinfi shakllandi. Ularga keng imtiyoz va preferensiyalar berilgani, tekshiruvlarning keskin cheklangani, erkin faoliyatini kafolatlovchi qonunlar qabul qilingani mamlakatimizda soha taraqqiyoti uchun zarur huquqiy asoslarni yanada mustahkamladi. Natijada, kichik tadbirkorlik sub’ektlari soni 2016 yilga nisbatan 2,5 barobarga ko‘paydi. Tadbirkorlik sub’ektlarida ish bilan band bo‘lgan aholi vakillari soni ham bir necha barobar oshdi.
Yangilanayotgan Konstitutsiyada mulkdorlar, tadbirkorlar manfaatlaridan kelib chiqib kiritilayotgan o‘zgartishlar bu boradagi yutuqlarni yanada yangi darajaga olib chiqishiga shubha yo‘q. Jumladan qonun loyihasida davlatning bozor munosabatlarini rivojlantirish, qulay investitsiyaviy va ishbilarmonlik muhitini ta’minlash, halol raqobat uchun shart-sharoitlar yaratishi bo‘yicha majburiyatlari belgilanyapti. Shuningdek Konstitutsiyada barcha mulk shakllarining teng huquqliligi, tadbirkorlarning qonunchilikka muvofiq har qanday faoliyatni mustaqil tanlashi va amalga oshirishga haqli ekanligi kafolatlanyapti.
Mol-mulk, uy-joy daxlsizligi masalasini bosh qomusimizda belgilash – partiyamiz a’zolari va elektorati uchun ayni muddao bo‘lyapti. Mol-mulk daxlsizligining yuksak darajada kafolatlanishi ishbilarmonlik va investitsiyaviy faollikni ham rag‘batlantiradi.
Tashviqot tadbiri davomida barcha xotin-qizlarni xalqimiz taqdiri va ertangi kunini belgilab beradigan tarixiy qonunga befarq bo‘lmasdan, 30 aprelda bo‘lib o‘tadigan referendumda faol ishtirok etishga chaqirildi.
Tuman madaniyat bo‘limi xodimlarining dilrabo kuy-qo‘shiqlari dillarni xushnud etdi.
O‘zLiDeP Qoraqalpog‘iston Respublikasi
kengashi matbuot xizmati
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
Fikringizni qoldiring