Xalq irodasi va fikrining amaldagi ifodasi
19.07.2023, 10:03
O’zbekiston Respublikasining saylangan prezidenti o‘z lavozimiga kirishishiga bag‘ishlangan marosimdagi nutqini partiyamizning Buxoro viloyatidagi barcha bo‘g‘inlari faollari bilan birga tinglab, keyingi 7 yilda mamlakatimizda amalga oshiriladigan islohotlar, ro‘y beradigan tub o‘zgarishlar bilan yaqindan tanishdik.
Prezidentimiz ta’kidlanganidek, dunyoda kechayotgan turli ziddiyatli vaziyatlar qator mamlakatlar iqtisodiyotiga salbiy ta’sir ko‘rsatayotir. Iqlim o‘zgarishlari, tabiiy boyliklar va suv resurslarining tobora taqchil bo‘lib borayotgani ham barqaror rivojlanishga salbiy ta’sir ko‘rsatmay qolmaydi. Mana shunday og‘ir va tahlikali vaziyatda xalqimiz manfaatlariga to‘la mos keladigan yagona to‘g‘ri yo‘l, samarali ichki va tashki siyosat yo‘lini aniq belgilab olish hamda unga qat’iy amal qilish lozim.
Shu bois, ma’ruzada bu borada kelgusi 7 yilga mo‘ljallangan strategik maqsadlar ko‘rsatib o‘tilgan. Jumladan, qonunchilik va ijro hokimiyatini takomillashtirish, ixcham va samarali boshqaruv tizimini tashkil etish, ijtimoiy va soha xizmatlarini rivojlantirish, tadbirkorlik uchun imkoniyatlarni kengaytirish, ish o‘rni va aholi daromadlarini oshirishga ko‘proq e’tibor qaratish dolzarb vazifalardandir. Yashil iqtisodiyot, yashil energiya, investitsiyalarni jalb qilish, sanoatni rivojlantirish, 2030 yilga borib mamlakatimizda yalpi ichki mahsulot hajmini 160 mlrd dollarga yetkazish ham asosiy maqsadlar sirasiga kiradi.
Ushbu maqsadlarni amalga oshirishda mamlakatimiz rahbari faqat va faqat yoshlarga ishonishini qayd etdi. Demak, ilmli, ma’rifatli jamiyatni barpo etish, oliy ta’lim tizimidagi qamrovni bir necha baravarga oshirish zimmamizdagi eng muhim vazifalardan.
Eng muhimi, davlatimiz rahbarining ayni nutqi partiyamiz faollari, barcha maslakdoshlarimiz uchun muhim dasturilamal va strategik maqsadlarni o‘zida mujassam etgan muhim hujjat vazifasini o‘taydi.
Obidjon HAMIDOV,
O‘zLiDeP Buxoro viloyat kengashi raisi,
Xalq deputatlari viloyat kengashi deputati
O'xshash yangiliklar
-
Saylovoldi dasturi ijrosi: parlament nazorati va fraksiyalararo raqobat
13.04.2024, 21:48
-
Jizzaxda tomorqalarni ishga solish bo‘yicha 309 ta mahallaga lider tadbirkor – eksportchilar biriktirilishi belgilandi
09.04.2024, 20:28
-
Jizzaxda kechayotgan ulkan o‘zgarishlar Yangi O’zbekistonni qamrab olgan bunyodkorlik jarayoniga munosib hissa bo‘lib qo‘shilmoqda
09.04.2024, 20:26
-
O’zbekiston va Qozog‘iston hamkorligi yangi bosqichga chiqmoqda
09.04.2024, 17:27
-
Yerdan samarali foydalanish - yoshlar bandligi va daromadini oshirishning muhim omilidir
09.04.2024, 17:19
Fikringizni qoldiring