Ғиждувон тумани марказидаги 45 ўринга мўлжалланган “SAFIRA” МЧЖ клиникасида O’zLiDeP Бухоро вилоят ва туман Кенгаши масъуллари иштирокида ўтказилган давра суҳбатида мамлакатимизда кечаётган Конституциявий ислоҳотлар жараёни, партия барча бўғинларининг бу борадаги масъулияти ва ўрни хусусида сўз борди.

-Давлатимиз раҳбари томонидан Янги Ўзбекистон Конституциясига киритилган 4 та йўналиш бўйича 14 та таклиф O’zLiDeP ғоя ва мақсадларига тўла мос келади, -дейди “SAFIRA” МЖЧ раҳбари, халқ депутатлари вилоят Кенгаши депутати Гулбаҳор Шарапова. - Халқимиз саломатлигини, хусусан оналик ва болаликни муҳофаза қилиш бўйича юртимизда амалга оширилаётган туб ислоҳотлар, биз соҳа ҳодимларини ҳам партия масъулларини ҳам ўз фаолиятимизга янгича ёндашишни талаб этмоқда.

Давра суҳбати иштирокчиларидан “Ғиждувон Машҳураси” хусусий корхонаси раҳбари, туман Кенгаши депутати Замира Сафарова, O’zLiDeP вилоят Кенгаши бўлим мудирлари Р.Салихова, Р.Загретдинов, Ф.Пирназаров, партия туман Кенгаши аппарати раҳбари Ғолиб Пўлотов ва бошқалар ҳам тадбирда сўз олиб мавзу юзасидан ўз фикр-мулоҳазаларини баён этдилар.

Шу куни бу ерда партия қуйи бўғини ҳам ташкил этилиб, БПТ раислигига Сардоржон Ахтамов сайланди. Миллий банкнинг туман бўлимидан ажратилган 2 млрд сўм кредит эвазига ўз фаолиятини бошлаган 45 ўринга мўлжалланган “SAFIRA” МЧЖ клиникаси  партия фаоли Гулбаҳор Шарапова томонидан ташкил этилган ягона даволаш муассасаси эмас. Бундан бирмунча вақт олдин депутат Г.Шарапова саъй-ҳаракати билан аҳолига сифатли тиббий хизмат кўрсатиш йўлга қўйилган “MARJON STOM SERVIS, "G’IJDUVON DIAGNOSTIKA MASKANI" хусусий корхоналарида ҳам бошланғич партия ташкилотлари тузилган бўлиб, маслакдошлар томонидан жойларда тарғибот-ташвиқот ишлари олиб борилмоқда.

Тадбир сўнгида ташкилотчилар томонидан O’zLiDeP сафига қабул қилинганларга аъзолик гувоҳномалари тантанали  равишда топширилди.

Тадбир доирасида O’zLiDeP масъуллари ва фаоллари, маҳаллий Кенгаш депутатлари тиббиёт соҳасининг етук мутахассиси, вилоят Кенгаши депутати Г.Шарапова томонидан ташкил этилган “SAFIRA” МЧЖ клиникасининг иш фаолияти билан яқиндан танишдилар.