O'zLiDeP Сиёсий Кенгаши Ижроия қўмитаси ташаббуси билан “Бизнинг Конституциямиз” лойиҳаси доирасида янги таҳрирдаги Конституциянинг мазмун-моҳияти бағишланган учрашув Тошкент давлат юридик университетида ташкил қилинди.

Лойиҳа доирасидаги учрашувда Олий Мажлис Қонунчилик палатаси депутати,  O'zLiDeP Сиёсий Кенгаши Ижроия қўмитаси раҳбарияти ва Тошкент давлат юридик университети профессор-ўқитувчилар иштирок этди.

Янги таҳрирдаги Конституциямизда Олий таълим ташкилотларига академик эркинлик берилиши, танлов асосида давлат ҳисобидан бепул олий маълумот олиниши, нодавлат таълим ташкилотлари қўллаб-қувватланиши тўғрисидаги қоидалар ёш авлод ҳаётини яхшилаш, уларнинг орзу-интилишларини рўёбга чиқариш, замонавий мутахассисликларни эгаллаган ҳолда ҳаётда ўз ўрнини топиши ва шахсий ривожланиши учун имконият яратади.  Охирги олти йилда олийгоҳлар сони 77 тадан 210 тага, уларга қабул эса, 5 бараварга ортиб, талабалар сони 1 миллионга, олий таълим қамрови – 9 фоиздан 38 фоизга ошди. Давлат грантлари сони ҳам 2 баравар кўпайиб, 40 мингтага етди, шундан, магистратура учун – 5 баравар кўпайди.

Учрашув сўнгида ёшларга янги Конституция ташвиқотини жойларда юқори савияда ташкил этишга чорлаб қолишди.