O'zLiDeP Хоразм вилоят ва Боғот туман Кенгаши ҳамкорлигида Боғот туманидаги кичик саноат зонасида ўз фаолиятини бошлаган “BULTEX PRO”  корхонасида туман Кенгаши депутатлари иштирокида саноат зоналарида яратилаётган янги ишчи ўринлар ва имкониятлар билан танишдилар.

Корхонада Туркия технологияси асосида 10 дан ортиқ 3-12 ёшгача бўлган болалар кийимлари ишлаб чиқарилмоқда. Тикувчилик корхонаси ишга туширилиши натижасида 260 нафар ишсиз фуқаролар, жумладан, хотин-қизлар иш билан таъминланди. Эндиликда улар ўз меҳнатлари билан оилалари моддий фаровонлигини таъминлаш, турмуш даражасини ошириш имкониятларига эга бўлишди. 

-Қўлиимда тикувчилик ҳунарим бор, аммо кўп вақтдан буён ишсиз эдим. Туманимизда янги тикувчилик корхонаси иш бошлаганлигини эшитиб, бу ерга ишга келдим. Ойлик маошлари ва шароитлари менга жуда ёқди. Иссиқ овқат ва транспорт билан таъминланганмиз, - дейди корхона ишчиси Дилбар Матякубова.

Лойиҳа қиймати 23,8 млрд сўм бўлган  мазкур корхонада кунига беш-олти минг дона болалар кийимлари тайёрланади. Маҳсулотлар Россия ва Европа давлатларига экспорт қилинади.

Депутатлар мулоқотлар давомида корхона ўз маҳсулотлари билан мамлакат ва жаҳон бозорида ўз ўринларини топишлари билан фаолиятларини янада кенгайтириш, пировардида янги иш ўринларини яратиш борасида ҳам кенг имкониятларга эга эканлиги эътироф этилди. Корхона масъулининг таъкидлашича яқин кунларда яна 150 нафар иш ўринлари яратилиб унга асосан, “Аёллар дафтари”даги хотин-қизлар ишга олиниши кўзда тутилган.